पाकिस्तानात पहिल्यांदा मिळाला ट्रान्सजेंडरला वाहनपरवाना
इस्लामाबाद : पाकिस्तानात पहिल्यांदाच एका ट्रान्सजेंडरला वाहनपरवाना देण्यात आला आहे. इस्लामाबाद वाहतूक पोलिसांनी ट्रान्सजेंडर लैला अली यांना हा वाहनपरवाना दिला आहे. पाकिस्तानात ट्रान्सजेंडरला वाहनपरवाना मिळालेली लैला अली ही पहिली ट्रान्सजेंडर महिला ठरली आहे. इस्लामाबादच्या पोलिस महानिरीक्षकांच्या कार्यालयाने याबाबतची दखल घेतली होती. त्यानंतर लैला अलीला हा वाहनपरवाना देण्यात आला आहे.
लैला अली यांचे नाव त्यांच्या मतदान ओळखपत्र आणि वाहनपरवान्यावर मोहम्मद अली असे नाव देण्यात आले आहे. लैला अली या दहा वर्षांपासून विनापरवाना वाहन चालवत आहेत. त्यांना आज अखेर वाहतूक विभागाकडून वाहनपरवाना मिळाला. त्यावर लैला अली म्हणाल्या, ट्रान्सजेंडर असल्याने वाहनपरवाना मिळत नव्हता. त्यामुळे वाहन चालवताना अनेक अडचणी येत होत्या. मात्र, वाहनपरवाना नसतानाही मी गेल्या दहा वर्षांपासून वाहन चालवत आहे.
पोलिसप्रमुखांनी लक्ष दिल्यामुळे घेण्यात आली दखल
लैला यांनी सांगितले, की ''वाहनपरवाना मिळावा यासाठी इस्लामाबाद पोलिस कार्यालयात गेली होती. तेव्हा मी माझ्या अडचणी त्यांच्यासमोर मांडल्या. त्यानंतर पोलिसप्रमुखांनी वाहनपरवाना देण्याबाबत आश्वासन दिले होते. पोलिस महानिरीक्षकांच्या कार्यालयात गेल्यानंतर वाहनपरवाना मिळाला. वाहनपरवाना मिळाल्याने मी अत्यंत आनंदित आहे''.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.