Shri Lanka Crisis: पळून गेलेले माजी राष्ट्रपती गोटाबाया राजपक्षे देशात परतले! | Sakal
sakal

बोलून बातमी शोधा

Shri Lanka Crisis: पळून गेलेले माजी राष्ट्रपती गोटाबाया राजपक्षे देशात परतले!

Shri Lanka Crisis: पळून गेलेले माजी राष्ट्रपती गोटाबाया राजपक्षे देशात परतले!

श्रीलंकेचे माजी राष्ट्रपती गोटाबाया राजपक्षे शुक्रवारी थायलंडहून मायदेशी परतले आहेत. याआधी शनिवारी सकाळी ते श्रीलंकेला परतल्याची बातमी आली होती. आर्थिक संकटातून जात असलेल्या श्रीलंकेत दोन महिन्यांपूर्वी गोटाबाया यांच्या सरकारविरोधातील निदर्शने तीव्र झाल्यानंतर 73 वर्षीय राजपक्षे यांनी 13 जुलै रोजी देश सोडून पळ काढला होता. श्रीलंका इतिहासातील सर्वात भीषण आर्थिक संकटाचा सध्या सामना करत आहे. खाद्यपदार्थांपासून ते इंधनापर्यंत सर्वच गोष्टींचा तुटवडा निर्माण झाला असून जनतेला त्याचा त्रास सहन करावा लागत आहे.

मिळालेल्या माहितीनुसार गोटाबाया सिंगापूर एअरलाइन्सच्या विमानाने श्रीलंकेला परतले होते. 9 जुलै रोजी निदर्शक कोलंबोतील राष्ट्रपती भवनात घुसले. इतर अनेक सरकारी इमारतींवरही आंदोलकांनी ताबा मिळवला होता. यानंतर गोटाबाया श्रीलंकेच्या हवाई दलाच्या विमानाने मालदीवला पळून गेले आणि तेथून सिंगापूरला गेले. तेथून त्यांनी 14 जुलै रोजी राजीनामा पाठवला, त्यानंतर ते थायलंडला गेले जेथे त्यांनी तात्पुरता आश्रय घेतला होता.

गोटाबाया राजपक्षे श्रीलंकेत परतण्यापूर्वी ते शुक्रवारी किंवा शनिवारी परततील अशी शक्यता वर्तवण्यात आली होती. यासोबतच त्याच्या परतीच्या वृत्ताला थायलंडच्या मीडियानेही दुजोरा दिला आहे. गोटाबाया जुलैमध्ये देश सोडून प्रथम मालदीवमध्ये पळून गेले होते.

Web Title: Former Sri Lankan President Gotabaya Returned Home From Thailand

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..