डोळ्यात पाणी आणणारा मैत्रिचा व्हिडिओ व्हायरल...

मेक्सिको (अमेरिका): सोशल मीडियावर एक मैत्रिचा डोळ्यात पाणी आणणारा व्हिडिओ व्हायरल होत आहे. केवळ 54 सेकंदाचा हा व्हिडिओ आहे. पण, लाखो नेटिझन्सनी हा व्हिडिओ पाहिला असून, 13 हजारपेक्षा जास्त वेळा  रिट्वीट केला आहे.

पोलिसांनी दुचाकीला बांधून महिलेला नेले फरफटत...

Noticias de Oaxaca ने हा व्हिडिओ ट्विट केला आहे. शिवाय, डोळ्यांमध्ये अश्रू आणणारे शीर्षक दिले आहे. या व्हिडिओमध्ये जमिनीवर एक शवपेटी ठेवली आहे. या शवपेटीवर Alexander lo despiden असे नाव असून, त्यामध्ये अलेक्झँडरचा मृतदेह आहे. प्रसारमाध्यमांनी दिलेल्या वृत्तानुसार, संबंधित व्हिडिओ मेक्सिकोमधील आहे. या 16 वर्षीय मुलाची हत्या झाली असून, मृत्यूनंतर त्याचे शव त्याठिकाणी नेण्यात आले जिथे तो फुटबॉल खेळत असायचा. मृतदेह मैदानावर नेल्यानंतर त्याच्या मित्रांनी गोल केला. गोल झाल्यानंतर त्याचे सर्व मित्र त्या शवपेटीला बिलगतात. त्यावेळी उपस्थितांच्या डोळ्यात पाणी येते. संबंधित व्हिडिओ सोशल मीडियावर व्हायरल झाल्यानंतर अनेकांना अश्रू अनावर झाले. व्हिडिओमधून मित्रावरील प्रेम दिसून येते.

दरम्यान, सोशल मीडियावर अनेकजण हा व्हिडिओ व्हायरल करत असून, प्रतिक्रियांच्या माध्यमातूनही व्यक्त होताना दिसतात. शिवाय, मैत्री कशी असावी, याचे उदाहरण देताना दिसतात.

हनिमूनसाठी खोलीत गेले अन्‌ सगळचं संपल...