पोलिसांनी दुचाकीला बांधून महिलेला नेले फरफटत...
नैरोबी (केनिया): पोलिसांनी एका महिलेला दुचाकीला बांधले आणि फरफटत नेल्याची घटना येथे घडली. संबंधित व्हिडिओ सोशल मीडियावर व्हायरल झाल्यानंतर खळबळ उडाली. यानंतर पोलिसांवर कारवाई करण्यात आली.
नैरोबीच्या कुरेसोई मध्ये ही माणुसकीला काळीमा फासणारी धक्कादायक घटना घडली आहे. केनियाच्या पोलिसांनी एका महिलेला दुचाकीच्या मागे बांधले आणि फरफटत नेले. शिवाय, अन्य पोलिस 21 वर्षीय महिलेला मारहाण करताना दीड मिनिटांच्या व्हिडिओमध्ये दिसत होते. व्हिडिओ व्हायरल झाल्यानंतर प्रशासनाने या प्रकरणाची दखल घेत तीन पोलिसांवर कारवाई करत त्यांना अटक केली.
डीसीआय केनियाने ट्विटरवरून सांगितले की, 'कुरेसोईच्या दक्षिण भागात एका महिलेला दुचाकीला बांधून फरफटत नेले होते. याचा व्हिडीओ व्हायरल झाल्यावर दुसऱ्या दिवशी तीन पोलिसांना अटक करण्य़ात आली आहे. न्यायालयाने त्यांना कोठडी सुनावली आहे. याबाबत पुढील तपास सुरू आहे.'
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.