जपानला मिळणार नवे पंतप्रधान, LDP च्या नेतेपदी फुमिओ किशिदा यांची निवड
सध्याचे पंतप्रधान योशिहिदे सुगा यांनी एका वर्षाच्या आताच लिबरल डेमोक्रेटिक पक्षाच्या नेतेपदाचा राजीनामा दिला आहे.
जपानच्या सत्ताधारी पक्षाने बुधवारी त्यांच्या नव्या पक्षनेत्याची निवड केली आहे. फुमिओ किशिदा यांची निवड झाली असून आता ते जपानचे पुढचे पंतप्रधान असणार आहेत. सत्ताधारी पक्षाची निवडणुकीत विजय मिळवणाऱ्या नेत्याकडे पंतप्रधानपद सोपवले जाते. आगामी निवडणुकीच्या आधी पुढच्या पंतप्रधानांच्या नावाची घोषणा केली जाईल.
जपानमध्ये संसदीय निवडणुकीपेश्रा लिबरल डेमोक्रेटिक पक्षाच्या नेता निवडीची सर्वाधिक चर्चा होते. कारण एलडीपी नेत्याची निवड म्हणजे त्याची पंतप्रधानपदासाठी नियुक्ती नक्की मानली जाते. पुढच्या महिन्यात जपानमध्ये संसदीय निवडणूक होणार आहे.
सध्याचे पंतप्रधान योशिहिदे सुगा यांनी एका वर्षाच्या आताच लिबरल डेमोक्रेटिक पक्षाच्या नेतेपदाचा राजीनामा दिला आहे. २९ सप्टेंबरनंतर ते पक्षाचे नेते म्हणून काम पाहणार नाहीत. फुमिओ किशिदा यांची नवा नेता म्हणून निवड झाली असून आता ते पंतप्रधान होण्याची शक्यता आहे. एलडीपीकडे संसदेत बहुमत आहे मात्र चार उमेदवारांमुळे राजकीय अस्थिरता देशात आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.