मध्यवर्ती बँकेसाठी कामकाजाचे स्वातंत्र्य महत्त्वाचे : आयएमएफ

वॉशिंग्टन : मध्यवर्ती बॅंकेला तिच्या जबाबदाऱ्या पार पाडण्यासाठी कामकाजाचे स्वातंत्र्य असणे महत्त्वाचे आहे, असे मत आंतरराष्ट्रीय नाणे निधीने (आयएमएफ) शुक्रवारी व्यक्त केले. 

रिझर्व्ह बॅंकेच्या (आरबीआय) गव्हर्नरपदाचा ऊर्जित पटेल यांनी राजीनामा दिल्यानंतर बॅंकेच्या स्वायत्ततेचा मुद्दा उपस्थित झाला आहे. या पार्श्‍वभूमीवर "आयएमएफ'ने म्हटले आहे, की रिझर्व्ह बॅंकेसारख्या मध्यवर्ती बॅंकेला कामकाजाचे स्वातंत्र्य असणे आवश्‍यक आहे. बॅंकेला तिच्या जबाबदाऱ्या पार पाडण्यासाठी हे गरजेचे आहे. आंतरराष्ट्रीय पातळीवर विचार करता ही बाब अतिशय महत्त्वाची ठरते. आर्थिक आणि वित्तीय स्थैर्यासाठी रिझर्व्ह बॅंक महत्त्वाची भूमिका बजावत आहे. याचबरोबर ती "आयएमएफ'ची महत्त्वपूर्ण भागीदार आहे.