Hamas-Israel War: ३ महिन्यात तब्बल ४ हजार विद्यार्थ्यांचा झाला मृत्यू ; ३८१ शाळा उद्वस्त

2023 Israel–Hamas war: इस्राईल आणि हमास संघर्षाला ८८ दिवस पूर्ण झालेले असताना गाझा पट्टीवरील इस्त्राईलच्या हल्ल्यात आतापर्यंत ४ हजार १५६ विद्यार्थी मारले गेल्याचा दावा पॅलेस्टाईनच्या शिक्षण मंत्रालयाने केला आहे. तर ३८१ शाळा नष्ट झाल्याचेही मंत्रालयाने म्हटले आहे.

गेल्या चोवीस तासांत इस्त्राईलच्या हल्ल्यात २०७ पॅलेस्टिनी नागरिक मारले गेले आहेत. दरम्यान, इस्राईलने सीरिया आणि लेबनॉनमध्ये हल्ले केले असून या हल्ल्याला दुजोरा दिल्याचे 'अल जझिरा' ने म्हटले आहे.

नोव्हेंबरपर्यंत ३ हजार विद्यार्थी मृत्युमुखी पडले होते आणि आता डिसेबरखेरपर्यंत हा आकडा चार हजारापर्यंत गेल्याचे आरोग्य मंत्रालयाने सांगितले. दरम्यान, मध्य गाझा पट्टी आणि दीर अल बलाह शहरावर इस्राईलने केलेल्या हवाई हल्ल्यात पंधरा पॅलेस्टिनी नागरिक मारले गेले आणि अनेक जखमी झाले. इस्राईलने निर्वासित नागरिक राहत असलेल्या एका घराला टार्गेट केले.

गाझा पट्टी (७ ऑक्टोबरपासून)

मृत २२,१८५

जखमी ५७,०३५

व्याप्त पश्चिम किनारपट्टी

मृत ३२४

जखमी ३८००

इस्त्राईल

मृत १,१३९

जखमी ९६५