५० ते ६० पाकिस्तानी फौजींना मरताना पाहिलं; हायजॅक ट्रेनमधील पंजाबी सैनिकाने केली पोलखोल

पाकिस्तानी लष्कराने बलूचिस्तानमध्ये हायजॅक झालेल्या एक्सप्रेस ट्रेनमधील सर्व ओलीस ठेवलेल्यांची सुटका केल्याचा दावा केलाय. सर्वांच्या सुटकेची मोहिमे पूर्ण झाल्याचं लष्कराने सांगितलं. पण बलूच लिबरेशन आर्मीने वेगळाच दावा केला आहे. तर एका पंजाबी सैनिकाने पाकिस्तानी लष्कराची पोलखोल केली आहे..पाकिस्तानी लष्कराने दावा केला की, २४ तासांपेक्षा जास्त काळ चाललेल्या या मोहिमेत बलूच लिबरेशन आर्मीच्या सर्व ३३ बंडखोरांना ठार केलंय. त्यांच्या ताब्यातील सर्व ओलीस ठेवलेल्यांची सुटका केलीय. दरम्यान, बलूच लिबरेशन आर्मीने अद्याप दीडशे पेक्षा जास्त जण ओलीस ठेवले असल्याचं म्हटलंय..सुनिता विल्यम्सना परत आणायला जाणाऱ्या यानाचं लाँचिंग ऐनवेळी रद्द, नासाच्या मोहिमेला धक्का.जफार एक्सप्रेस ट्रेनमधून प्रवास करणाऱ्या एका पंजाबी सैनिकाने सांगितलं की, मी माझ्या डोळ्यांनी बलूच बंडखोरांनी कत्तल करताना पाहिलंय. किमान ५० ते ६० पाकिस्तानी सैनिकांना मरताना पाहिलं. पंजाबी सैनिकाच्या या दाव्यानंतर आता पाकिस्तान खोटं बोलत असल्याचं म्हटलं जात आहे..द बोलान न्यूजने सोशल मीडियावर प्रत्यक्षदर्शींचा व्हिडीओ शेअऱ केलाय. यात पीडिताने सांगितलं की, बलूच लिबरेशन आर्मीच्या बंडखोरांनी किमान ५० ते ६० सैनिकांना मारलं होतं..बलूच लिबरेशन आर्मीचा प्रमुख कोण?बलूच लिबरेशन आर्मीचं नेतृत्व २००६ ते २०१८ पर्यंत असलम हा बलूच संघटनेचा प्रमुख होता. मात्र २०२८ मध्ये अफगाणिस्तानमधील एका आत्मघाती हल्ल्यात असलमचा मृत्यू झाला. यामुळेच बलूच लिबरेशन आर्मीला मोठा धक्का बसला. असलमच्या मृत्यूनंतर संघटनेकडून सार्वजनिकरित्या कधीच प्रमुखाचं नाव जाहीर केलं नाही. पण बलूचिस्तानमध्ये स्थानिक कमांडरच त्या त्या पातळीवर जबाबदारी घेतात असं अनेक मीडिया रिपोर्ट्समध्ये म्हटलंय..काय आहे मागणी? बलूच लिबरेशन आर्मीची स्थापना २००० साली झाली होती. बलूचिस्तानला स्वातंत्र्य मिळावं यासाठी ते पाकिस्तानशी लढत आहेत. बलूचच्या आर्मीत जवळपास ६ हजार जण आहेत. बलूचिस्तानमधील हा सर्वात मोठा शस्त्रधारी गट मानला जातो. बलूचिस्तान लिबरेशन आर्मीने दावा केलाय की पाकिस्तान सरकार बलूचिस्तानमधला गॅस आणि खनिज संपत्ती चुकीच्या पद्धतीने काढून घेत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.