"स्वतःचे कपडे विकून लोकांना..."; पाकिस्तानचे पंतप्रधान आक्रमक

पाकिस्तानचे पंतप्रधान शहबाझ शरीफ यांनी आता महागाईविरोधात मुख्यमंत्र्यांना अल्टिमेटम दिला आहे. गव्हाच्या पीठाचे दर तात्काळ कमी करा नाहीतर मी माझे कपडे विकून लोकांना गव्हाचं पीठ पुरवेन, असा सज्जड दम शहबाझ शरीफ यांनी भरला आहे. ठकारा स्टेडियममध्ये काल आयोजित केलेल्या बैठकीत शरीफ बोलत होते. (Pakistan PM Shahbaz Sharif on inflation in country)

खैबर पख्तुनख्वाचे मुख्यमंत्री महमूद खान यांना शहबाझ शरीफ (Pakistan PM Shahbaz Sharif) यांनी अल्टिमेटम दिला आहे. जर गव्हाच्या पीठाचे दर पुढच्या २४ तासांत ४०० रुपयांवरून १० रुपये प्रति किलोपर्यंत कमी झाले नाहीत तर, मी माझे कपडे विकेन आणि स्वतःला लोकांना स्वस्त पीठ उपलब्ध करून देईन, असं शरीफ म्हणाले आहेत.

पंतप्रधानांच्या या भाषणामुळे या सार्वजनिक बैठकीतलं वातावरण चांगलंच तापलं. माजी पंतप्रधान इम्रान खान (Pakistan Ex-PM Imran Khan) यांच्यावरही शरीफ यांनी टीका केली आहे. इम्रान खान यांनी देशाला उच्चांकी महागाई आणि बेरोजगारीची भेट दिली, असं म्हणत शरीफ यांनी टोला लगावला आहे. पाकिस्तानमध्ये सातत्याने वाढणाऱ्या इंधन दरांसाठीही त्यांनी माजी पंतप्रधान इम्रान खान यांनाच जबाबदार धरलं आहे.