यंगून (म्यानमार) : म्यानमारमधील कायमस्वरूपी वीज टंचाईवर उपाय करण्यासाठी भारताकडून ग्रीड कनेक्टिव्हिटी आणि पेट्रोलियम उत्पादने पुरवठा करण्यावर भर दिला जात असून यासंदर्भातील करार अमलात आणण्यावर वेगाने काम केले जात असल्याची माहिती म्यानमारमधील भारतीय राजदूत अभय ठाकूर यांनी दिली. ठाकूर यांनी म्यानमारसोबत संबंध प्रस्थापित करताना ऊर्जा सहकार्य हा एक महत्त्वाचा घटक असल्याचे सांगितले.