H-1B व्हिसा घोटाळ्याप्रकरणी अमेरिकेतील भारतीय नागरिकाला अटक

vissa.jpg
vissa.jpg

वॉशिंग्टन- अमेरिकी सरकारकडून एका भारतीय नागरिकाला अटक करण्यात आली आहे. अमेरिकेच्या फेडरल फिर्यादीनुसार एका भारतीयाला बनावट व्हिसा आणि फसवणूक केल्याप्रकरणी अटक करण्यात आली आहे. H-1B व्हिसाचा वापर करुन अमेरिकेत येणाऱ्या परदेशी नागरिकांना आकर्षित करण्याचे षडयंत्र रचल्याचा आरोप त्याच्यावर ठेवण्यात आला आहे. 

फिर्यादीने दिलेल्या माहितीनुसार, भारतीय नागरिक आशीष साहनी (वय 48) याला गुरुवारी अटक करण्यात आली. साहनीने कथितरित्या H-1B व्हिसा प्राप्त करण्यासाठी बनावट कागदपत्रे जमा केली. यासाठी त्याने चार महामंडळाचा वापर केला. साहनी विरोधात सहा आरोप लावण्यात आले आहेत. 

फिर्यादीने आरोप लावला आहे की, साहनीने 2011 ते 2016 दरम्यान जवळजवळ 2 करोड 10 लाख डॉलर जमवले आहेत. साहनी या प्रकरणी दोषी आढलल्यास त्याला कमीतकमी 10 वर्षांचा तुरुंगवास होण्याची शक्यता आहे. 

H-1B प्रकरणी  भारतीय नागरिक आशीष साहनी याने फसवणूक केल्याचा आरोप ठेवण्यात आला आहे. त्याने H-1B व्हिसा घेऊन अमेरिकेत येऊ पाहणाऱ्यांचे चुकीची कागदपत्रे चार महामंडळात दाखल केली आहेत. यातून त्यांने मोठा नफा कमावला आहे. अर्जदार अर्जामधील विशिष्ठ अट पूर्ण करत नसताना, तसं दाखवण्यात आले. त्यामुळे अमेरिकेत व्यवसाय किंवा नोकरीसाठी येणाऱ्यांना फायदा करुन देण्यात साहनीचा हातभार होता, असा आरोप करण्यात आला आहे. 

दरम्यान, अमेरिका दरवर्षी H-1B व्हिसाचा कोटा जाहीर करत असते. त्यानुसार जगभरातील अनेक इच्छुक विदेशी नागरिक अमेरिक येत असताना. H-1B घेऊन अमेरिकेत येणाऱ्यांमध्ये सर्वाधिक प्रमाण भारतीयांचे आहे. यापाठोपाठ चीनचा क्रमांक लागतो. यावर्षी अमेरिकेचे राष्ट्रपती डोनाल्ड ट्रम्प यांनी H-1B व्हिसावर निर्बंध लादले आहेत. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com