इराण आणि इस्रायल यांच्यातील संघर्ष अधिकाधिक धोकादायक बनत चालला आहे. दोन्ही देश एकमेकांवर क्षेपणास्त्रे आणि ड्रोनद्वारे हल्ले करत आहेत. या घडामोडींच्या पार्श्वभूमीवर, इस्रायली हवाई हल्ल्यांनंतर तेहरानच्या काही भागांमध्ये वीजपुरवठा खंडित झाल्याचे वृत्त समोर आले आहे. या संदर्भात इराणी लष्कराने अद्याप कोणतेही अधिकृत निवेदन जारी केलेले नाही पण, प्रसारमाध्यमांच्या वृत्तांमध्ये तेहरानच्या विविध जिल्ह्यांमधील फोटो आणि व्हिडिओ व्हायरल होत आहेत, ज्यामध्ये सर्वत्र पूर्णपणे अंधार पसरल्याचे दृश्य दिसत आहे.
