पुन्हा सिलिंडरचा तुटवडा? LPG पुरवठ्यावर संकटाची छाया; इराणची कठोर भूमिका, तेल-वायू निर्यातीबाबत मोठी धमकी!

अमेरिकेच्या लष्करी कारवाईनंतर पश्चिम आशियातील तणाव आणखी वाढला असून, इराणच्या इस्लामिक रिव्होल्यूशनरी गार्ड कॉर्प्स (IRGC) ने आखाती प्रदेशातून तेल आणि नैसर्गिक वायूच्या निर्यातीबाबत कठोर इशारा दिला आहे. इराणच्या सरकारी माध्यमांनुसार, या प्रदेशात अमेरिकेची आक्रमक कारवाई सुरू राहिल्यास आखातातून तेल आणि वायूचा "एक थेंबही" बाहेर जाऊ दिला जाणार नसल्याचे IRGC ने स्पष्ट केले आहे. या भूमिकेमुळे जागतिक ऊर्जा पुरवठ्यावर तसेच भारतासह अनेक देशांवर परिणाम होण्याची शक्यता व्यक्त केली जात आहे.