इराण आणि अमेरिका यांच्यातील लष्करी संघर्षाच्या पार्श्वभूमीवर इराणकडून अमेरिकेला सातत्याने आक्रमक इशारे दिले जात आहेत. इराणच्या सर्वोच्च राष्ट्रीय सुरक्षा परिषदेचे सचिव मोहसेन रेझाई यांनी अमेरिकेला थेट आव्हान देत, युद्धाबाबत अमेरिका खरोखरच गंभीर असेल तर त्यांनी इराणच्या भूमीवर जमिनीवरील सैन्य उतरवावे, असे म्हटले आहे. दरम्यान, रेझाई यांनी अमेरिकेसोबत पुन्हा चर्चेसाठी इराणच्या काही अटीही कतारच्या माध्यमातून वॉशिंग्टनपर्यंत पोहोचवल्याचे सांगितले आहे.
