एक वर्षापूर्वी शिंजो आबे यांनी राजीनामा दिल्यानतंर सुगा यांची पंतप्रधानपदी निवड करण्यात आली होती.
टोकियो - जपानचे पंतप्रधान योशिहिदे सुगा यांनी म्हटलं की, ते सत्तारुढ पक्षाचे नेते म्हणून सप्टेंबर महिन्यात होणाऱ्या Re-Election मध्ये उमेदवारी अर्ज दाखल करणार नाही. याचाच अर्थ असा की जपानचे पंतप्रधान म्हणून योशिहिदे सुगा हे राजीनामा देऊ शकतात. एक वर्षापूर्वी शिंजो आबे यांनी राजीनामा दिल्यानतंर सुगा यांची पंतप्रधानपदी निवड करण्यात आली होती.
सुगा यांनी शुक्रवारी त्यांच्या सत्ताधारी लिबरल डेमोक्रेटिक पार्टीच्या कार्यकारी अधिकाऱ्यांना सांगितलं की,'मी पक्षाचे नेतृत्व निवडीसाठी होणाऱ्या निवडणुकीत उमेदवारी अर्ज दाखल करणार नाही.' यासाठी २९ सप्टेंबरला निवडणूक होणार आहे. सुगा यांनी त्यांची भूमिका स्पष्ट केल्यानं आाता जपानला नवं नेतृत्व मिळणार आहे. एलडीपीच्या प्रमुखाची निवड झाल्यानंतर पुढची प्रकिया पार पडेल. एलडीपीला संसदेत बहुमत असून त्यांच्या नेत्याचीच निवड जपानच्या पंतप्रधानपदी होईल.
कोरोनाच्या संकटात वेगाने हालचाली न केल्यानं आणि आरोग्याचे प्रश्न असतानासुद्धा ऑलिम्पिकच्या आय़ोजनावरून योशिहिदे सुगा यांच्यावर मोठ्या प्रमाणात टीका झाली. जपानमध्ये सध्या आणीबाणी लागू आहे. देशात १५ लाखांहून जास्त लोक कोरोनाबाधित असून लसीकरणाचा वेगही कमी आहे. कोरोनाने परिस्थिती बिघडल्यानंतरही ऑलिम्पिकचे आयोजन केल्यानं त्यांनी नाराजी ओढवून घेतली.
सध्या योशिहिदे सुगा यांचे वय ७२ वर्षे असून पहिल्यांदा १९८७ मध्ये योगोहामाचे सिटी काउन्सिल म्हणून ते निवडून आले होते. त्यानंतर १९९६ मध्ये पहिल्यांदा खासदार म्हणून निवडून आले. २००५ मध्ये पंतप्रधान जुनिचिरो कोइजुमी यांच्या कार्यकाळात त्यांनी मंत्री म्हणून काम केले होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.