नशीब फळफळले : एका झटक्यात झाला 'तो' 15 करोडचा मालक

आंधळा मागतो एक डोळा आणि देव देतो दोन डोळे अशी म्हण आपण लहान पणापासून ऐकत आलो आहोत. हिच म्हण मॅरीलॅंडमध्ये एका व्यक्तीच्या बाबतीत खरी झाली आहे. झटक्यात तो पंधरा करोडचा मालक झाला आहे. मानसाचे नशिब कधी उजळेल काही सांगता येत नाही. काही लोकांच्या नशीबात एक लाॅटरी नाही लागत तर काही लोकांच्या नशिबात पुन्हा पुन्हा लाॅटरी लागते. मॅरीलॅंडमध्ये एका व्यक्तीला बार स्क्रॅच आॅफ लाॅटरीतून दोन मिलियन डाॅलर (१४कोटी ९५लाख ४४ हजार) रूपये जॅकपाॅट लागला आहे.

बर्याच लोकांना लाॅटरी काढायची हौस असते. एक नाही अनेक वर्ष लोक लाॅटरी काढत असतात. एक ना एक दिवस करोडपती होण्याचे स्वप्न ते पाहत असतात. यातून अनेकदा निराशा पदरी पडते. पण यातून मात करत अनेकजण हा छंद जोपासत असतात.

सॅलिबरीने मॅरीलॅंड लाॅटरीचे अधिकारींच्या माहितीनुसार,पासष्ठ वर्षाच्या एका व्यक्तीने उत्तर सॅलिबरी स्टेशनवर डाॅलर रिचर स्क्रॅच तिकिट खरेदी केले. पहिले तिकिट स्क्रॅच केल्यावर त्याला शंभर डाॅलर मिळाले. दूसरे जेव्हा तिकिट स्क्रॅच केले तेव्हा त्याला स्व:तवर विश्वास बसला नाही. कारण यावेळी त्याला दोन मिलियन डाॅलरची लाॅटरी लागली.

विजेत्याने सांगितले कि, कोरोना महामारीत मी तिकिट खरेदी केले. पण हे तिकिट मला किती लाभदायक ठरेल याची शंकाच होती. जस जसे तिकिटाचा संपण्याचा कालावधी जवळ आला तशी भिती वाटायला लागली. पण जेव्हा मी कार्ड स्क्रॅच केले तेव्हा मला विश्वास बसला नाही. त्याने एकदम दोन लाॅटरी खरेदी केल्या होत्या.

लाॅटरी लागल्यानंतर या व्यक्तीने सांगितले की,कोणताही खेळ खेळत असताना निराशावादी होऊ नका. जॅकपाॅटसाठी खेळू नका. यातून तुम्हाला कसा आनंद घेता येईल ते पहा. मला पंधरा करोड रूपये मिळाले आहेत. या पैशाने मी परीवारासहित पर्यटनाला जाणार आहे. शिवाय माझे घर सुंदर बनवणार आहे.