एकाचवेळी मंकीपॉक्स, कोरोना, एचआयव्हीची लागण; जगातील पहिले प्रकरण | Sakal
sakal

बोलून बातमी शोधा

Monkeypox, Corona Latest News

Three Diseases : एकाचवेळी मंकीपॉक्स, कोरोना, एचआयव्हीची लागण; जगातील पहिले प्रकरण

Monkeypox, Corona Latest News इटली : तुम्हाला हे ऐकून आश्चर्य वाटेल की एका इटालियन माणसाला एकाच वेळी कोरोना (Corona), मंकीपॉक्स (Monkeypox) आणि एचआयव्ही या तिन्ही आजारांची लागण झाली. घसा खवखवणे, डोकेदुखी, थकवा, ताप आणि जळजळ या तक्रारींनंतर चाचणीत हे उघड झाले. एखाद्या व्यक्तीला एकाच वेळी तिन्ही आजारांची लागण झाल्याचे आढळलेले हे जगातील पहिले प्रकरण आहे.

प्रसिद्ध झालेल्या अहवालात या व्यक्तीचे नाव देण्यात आलेले नाही. अहवालानुसार हा व्यक्ती पाच दिवसांच्या सहलीवर स्पेनला गेला होता. तिथून परतल्यानंतर नऊ दिवसांनी हे सर्व लक्षणे त्याच्यामध्ये दिसू लागली. लक्षणांच्या तिसऱ्या दिवशी व्यक्तीला कोरोनाची लागण झाल्याची पुष्टी झाली.

हेही वाचा: दिशा पटानी दिसली डीप नेक ब्लाऊजमध्ये; चाहते घामाघूम

त्यानंतर त्याच्या चेहऱ्यावर आणि शरीराच्या इतर भागावर पुरळ आले होते. घाबरलेला व्यक्ती हॉस्पिटलच्या आपत्कालीन विभागात पोहोचला. त्यानंतर त्याला संसर्गजन्य रोग विभागात रेफर करण्यात आले. अहवालानुसार संक्रमित व्यक्तीच्या शरीराच्या इतर भागात जखमा होत्या. चाचणी केली असता मंकीपॉक्स (Monkeypox) आणि एचआयव्ही संसर्गाची पुष्टी झाली.

SARS-CoV-२ जीनोमच्या अनुक्रमानुसार व्यक्तीला ओमिक्रॉनच्या उप-प्रकार BA.५.१ ची लागण झाल्याचे दिसून आले. त्याला फायझरच्या लसीचे दोन्ही डोस देण्यात आले होते. या प्रकरणाची केस स्टडी १९ ऑगस्ट रोजी जर्नलमध्ये प्रकाशित करण्यात आली. कोरोना (Corona) आणि मंकीपॉक्समधून बरे झाल्यानंतर व्यक्तीला रुग्णालयातून डिस्चार्ज देण्यात आला. आता एचआयव्ही संसर्गावर उपचार सुरू आहे.

Web Title: Monkeypox Corona Hiv First Case In World Italy

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..