Ram Mandir Inauguration: राममंदिराच्या उद्‌घाटनानिमित्त अमेरिकेत महिनाभर कार्यक्रम

Ram Mandir Inauguration: वॉशिंग्टन : अयोध्येत पुढील महिन्यात २२ तारखेला राम मंदिराचे उद्‌घाटन होणार असून त्यानिमित्त अमेरिकेत राहणाऱ्या हिंदूंनीही विविध कार्यक्रमाचे आयोजन केले आहे. आज हिंदू नागरिकांनी येथील मेरिलँड येथील अयोध्या वे भागातील श्री भक्त अंजनेय मंदिरापासून मोटार रॅली काढली.

‘पाचशे वर्षांच्या हिंदूंच्या संघर्षानंतर राम मंदिर उभारले गेले आहे. त्यामुळे त्याच्या उद्‌घाटनाचा कार्यक्रमही ऐतिहासिक व्हावा, अशी आमची इच्छा आहे,’ असे विश्‍व हिंदू परिषद ऑफ अमेरिका या संघटनेचे अध्यक्ष महेंद्र सापा यांनी सांगितले.

महिनाभराच्या उपक्रमात रामकथा, कीर्तन, भजन, भक्तिगीतांच्या कार्यक्रमाचे आयोजन करण्यात आले आहे. याशिवाय, २० जानेवारीला एक हजार हिंदू दाम्पत्यांना निमंत्रित करून विशेष पूजा केली जाणार आहे. (Latest Marathi News)