इंडोनेशियात भूकंप; 384 जणांचा मृत्यू

वृत्तसंस्था
शनिवार, 29 सप्टेंबर 2018

इंडोनेशियातील सुलावेसी बेटावर काल (ता. 28) भूकंपाचा तडाखा बसला. समुद्रात झालेल्या शक्तिशाली भुकंपानंतर इंडोनेशियाच्या पालू शहराला भयानक अशा सुनामी लाटांचा तडाखा बसला. या नैसर्गिक आपत्तीत अनेकांना जखमी अवस्थेत विविध रुग्णालयांत दाखल करण्यात आले आहे.

इंडोनेशिया- इंडोनेशियातील सुलावेसी बेटावर काल (ता. 28) भूकंपाचा तडाखा बसला. समुद्रात झालेल्या शक्तिशाली भुकंपानंतर इंडोनेशियाच्या पालू शहराला भयानक अशा सुनामी लाटांचा तडाखा बसला. या नैसर्गिक आपत्तीत अनेकांना जखमी अवस्थेत विविध रुग्णालयांत दाखल करण्यात आले आहे.

दरम्यान, येथील एका रुग्णालयात आज (ता.29) यांपैकी 30 जणांचा मृत्यू झाला असल्याचे वृत्त दिले होते. मात्र, आता मृतांचा आकडा एकूण 384 वर पोहोचला आहे. आणखी यामध्ये वाढ होण्याची शक्यता आहे. 7.5 रिश्टर स्केल तीव्रतेच्या भुकंप येथिल पालू शहराला बसला. सुमारे साडे तीन लाख लोकांना याचा फटका बसला.

या भूकंपानंतर लोकांना आपली घरे सोडून रस्त्यावर यावे लागले आहे. लोक भीतीने घाबरून घरे सोडून पलायन करत असल्याचे चित्र सध्या तिथे आहे.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Nearly 400 people were killed when a powerful quake sent a tsunami barrelling into the Indonesian island of Sulawesi