इम्रान खान कोर्टात जाताच पोलिसांची घरात घुसखोरी; कार्यकर्त्यांच्या मारहाणीचा Video पक्षाकडून शेअर

नवी दिल्ली - पाकिस्तानचे माजी पंतप्रधान इम्रान खान भ्रष्टाचाराच्या खटल्यातील सुनावणीसाठी इस्लामाबादला जात असताना पोलिसांनी शनिवारी लाहोर येथील घरात प्रवेश केला, असे त्यांच्या पक्षाच्या पदाधिकाऱ्यांनी सांगितले.

दरम्यान, पंजाब पोलिसांनी झमान पार्कमधील माझ्या घरावर हल्ला केला आहे, जिथे बुशरा बेगम एकटी आहे. ते कोणत्या कायद्यानुसार हे करत आहेत? हा लंडन प्लॅनचा एक भाग आहे, जिथे फरार नवाज शरीफ यांना सत्तेवर आणण्याचे आश्वासन देण्यात आले होते, जेणेकरून एका नियुक्तीवर सहमती दर्शविली जाईल, असे इम्रान खान यांनी ट्विट मध्ये म्हटले आहे.

पाकिस्तान तेहरीक-ए-इन्साफ या त्यांच्या पक्षाने आपल्या अधिकृत ट्विटर अकाऊंटवर एक व्हिडिओ शेअर केला आहे, ज्यात इम्रान खान यांच्या समर्थकांवर त्यांच्या घरी पोलिसांनी लाठीचार्ज केल्याचे दिसत आहे.

यापूर्वीच्या अनेक सुनावणीत गैरहजर राहिल्याबद्दल त्यांना अटक करण्याचा प्रयत्न करण्यात आला होता, तेव्हा त्यांचे समर्थक आणि पोलिस यांच्यात अनेक दिवसांपासून सुरू असलेल्या संघर्षानंतर हे पाऊल उचलण्यात आले आहे.