पाकिस्तानच्या इतिहासात घडली 'ही' पहिल्यांदाच घटना; काय झाले?

Pakistan Air Force Gets its First Hindu Pilot after Rahul Dev Chosen as General Duty Officer
Pakistan Air Force Gets its First Hindu Pilot after Rahul Dev Chosen as General Duty Officer

इस्लामाबाद : पाकिस्तानच्या इतिहासात पहिल्यांदाच एका हिंदू युवकाची वायुसेनेत पायलट म्हणून निवड करण्यात आली आहे. ही पाकिस्तानच्या इतिहासातील पहिलीच घटना आहे. राहुल देव या युवकांची पाकिस्तानी वायुसेनेत जीडी (जनरल ड्यूटी) पायलट अधिकारी म्हणून भरती करण्यात आली आहे.

राहुल देव सिंध प्रांतातील सर्वात मोठा जिल्हा असणाऱ्या थरपारकर येतील राहणारा आहे. पाकिस्तानमधील थरपारकर या भागात हिंदू समुदाय मोठ्या संख्येने राहतात. विकासापासून वंचित असलेल्या या भागातील राहुल हा पाकिस्तान हवाई दलात नियुक्ती होणारी पहिले व्यक्ती आहे. पाकिस्तानी माध्यमांमध्ये छापण्यात आलेल्या अहवालात ही माहिती देण्यात आली आहे.

अल्पसंख्याक समाजातील अनेक सदस्य नागरी सेवेसह, सेनेच्या इतर भागातही सेवा बजावत आहेत. विशेषत: देशातील अनेक मोठे डॉक्टर हिंदू समुदायाचे आहेत, असे 'ऑल पाकिस्तान हिंदू पंचायत'चे सचिव रवि दवानी यांनी राहुल यांच्या नियुक्तीबाबत आनंद व्यक्त करताना म्हटले आहे. सरकारने अल्पसंख्याकांकडे लक्ष दिले, तर येत्या काळात अशाप्रकारचे अनेक राहुल देव देशाची सेवा करण्यास तयार असतील, अशी आशा त्यांनी व्यक्त केली आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com