Pakistan Army : जम्मू-काश्मीर हे आमचे मर्मस्थान; पाकिस्तानी लष्करप्रमुखांची भारताविरोधात गरळ
Asim Munir : पाकिस्तानी लष्करप्रमुख असीम मुनीर यांनी जम्मू-काश्मीरला ‘मर्मस्थान’ म्हणत भारताविरोधात जहरी वक्तव्य केले. द्विराष्ट्रवाद सिद्धांत पुन्हा मांडत त्यांनी हिंदू आणि मुस्लिम संस्कृती वेगळी असल्याचेही म्हटले.
इस्लामाबाद : पाकिस्तानचे लष्करप्रमुख जनरल असीम मुनीर यांनी पुन्हा एकदा भारताच्याविरोधात गरळ ओकली आहे. हिंदू आणि इस्लाम हे दोन वेगळे धर्म आणि परंपरा असल्याचे सांगतानाच त्यांनी द्विराष्ट्रवादाच्या सिद्धांताचा पुनरुच्चार केला.
