Pakistan : 'पाकिस्तानचे निघाले दिवाळे, सरकार खोटं बोलतयं'

इस्लामाबाद : पाकिस्तानच्या कर विभागाचे माजी प्रमुख शब्बर झैदी म्हणाले, देशाचे दिवाळे निघाले आहे. सरकार देशातील समृद्धीविषयी खोटं बोलत आहे. हमदर्द विद्यापीठात देशाच्या आर्थिक स्थितीवर झैदी बोलत होते. वास्तविक पाकिस्तानच्या (Pakistan) टॅक्स एजन्सी फेडरल बोर्ड ऑफ रेव्हेन्यूचे माजी प्रमुख शब्बर झैदी यांचा एक व्हिडिओ सोशल मीडिया मोठ्या प्रमाणावर व्हायरल होत आहे. देश खूपच चिंताजनक स्थितीत आहे. सरकार म्हणते की देश समृद्धीच्या दिशेने चालला आहे, ते पूर्णपणे चुकीचे आणि खोटे आहे. व्हायरल व्हिडिओत झैदी म्हणतात, की आपण म्हणतोय की सर्वकाही चांगले आहे. देश योग्य मार्गाने चालला आहे. आपण मोठे यश संपादित केले आहे. आम्ही परिवर्तन आणले आहे. मात्र हे सर्व खोटे आहे. माझ्या निरीक्षणानुसार देश दिवाळीखोरीत निघाला आहे. (Pakistan Experience Bankrupt, Said Former Tax Chief Shabbar Zaidi)

हे सरकारसाठी चिंतेची बाब आहे. झैदी पुढे म्हणातात, प्रथम हे निश्चित करा की आम्ही दिवाळखोरीत निघालो आहोत. खोट बोलल्यामुळे लोकांचा विश्वासघात केला जात आहे. व्हायरल व्हिडिओवर झैदी यांनी स्पष्टीकरण दिले आहे. त्यांनी ट्विट करुन आपले पूर्ण दीड तासांचे भाषण ऐकण्याची विनंती केली आहे. झैदी यांच्या वक्तव्यामुळे पाकिस्तानच्या अर्थव्यवस्थेची सद्यःस्थिती कळण्यास मदत होते. पाकिस्तानची अर्थव्यवस्था खूप वाईट स्थितीतून जात हे लपवून राहिलेले नाही. देशातील वाढत्या महागाई दरामुळे दैनंदिन वस्तूंचे भाव आकाशाला भिडले आहेत.