PM Modi US Visit : मोदींच्या अमेरिका दौऱ्यात होणार अंतराळ संबंधांवर चर्चा; गगनयान मोहिमेसाठी नासा करू शकतं मदत

मानवी अंतराळ उड्डाण, ग्रह सुरक्षा आणि व्यावसायिक अंतराळ क्रियाकल्प अशा गोष्टींवर चर्चा होणार आहे.
PM Modi US Visit
PM Modi US VisiteSakal

पंतप्रधान नरेंद्र मोदी पुढील आठवड्यात अमेरिका दौऱ्यावर जाणार आहेत. यावेळी दोन्ही देशांमध्ये विविध गोष्टींवर चर्चा होईल. यातच मानवी अंतराळ उड्डाण, ग्रह सुरक्षा आणि व्यावसायिक अंतराळ क्रियाकल्प अशा तीन गोष्टींवरही चर्चा होणार आहे. दोन्ही देशांमधील अंतराळ-संबंधित सहकार्य वाढवण्याच्या उद्दिष्टाने ही चर्चा होईल.

जानेवारीमध्येच दोन्ही देशांनी अंतराळासंबंधी गोष्टींमध्ये एकमेकांना सहकार्य करण्यावर सहमती दर्शवली होती. इनिशिएटिव्ह ऑन क्रिटिकल अँड इमर्जिंग टेक्नॉलॉजीस (ICET) अंतर्गत दोन्ही देशांचे सुरक्षा सल्लागार जेक सुलिवन आणि अजित डोभाल यांनी व्हाईट हाऊस फॅक्टशीटवर सहमती दर्शवली होती.

PM Modi US Visit
Gaganyaan : 'गगन'भरारी घेण्यासाठी लागणार आणखी वेळ; इस्रो खबरदारी घेत उचलणार पावलं

नासा जॉन्सन स्पेस सेंटर येथे भारतीय अंतराळ संशोधन संस्था (ISRO) साठी प्रगत प्रशिक्षण उपलब्ध करणे, व्यावसायिक अवकाशात सहकार्य करण्यासाठी नवीन संधी ओळखणे, यासोबतच मानवी अंतराळ उड्डाण सहकार्य मजबूत करणे अशा गोष्टींचा उल्लेख या फॅक्टशीटमध्ये केला होता.

याबाबत माहिती असलेल्या सूत्रांनी दिलेल्या माहितीनुसार, पंतप्रधान मोदींच्या अमेरिका दौऱ्यादरम्यान अंतराळवीर प्रशिक्षण, क्रू रेस्क्यू आणि मानवी अंतराळ उड्डाणातील इतर क्रियाकलपांवर सखोल सहकार्याबाबत चर्चा होईल. हिंदुस्तान टाईम्सने याबाबतचे वृत्त प्रसिद्ध केले आहे.

PM Modi US Visit
BBC Modi Documentary: भारतात बॅन, पण अमेरिकेत दाखवली जाणार BBC ची डॉक्युमेंटरी; पंतप्रधानांच्या दौऱ्यापूर्वीच...

गगनयान मोहिमेत मदत

इस्रोच्या महत्त्वाकांक्षी गगनयान मोहिमेत देखील अमेरिका भारताची मदत करणार आहे. या मोहिमेच्या माध्यमातून भारत पहिल्यांदाच अवकाशात अंतराळवीर पाठवणार आहे. २०२५ साली हे गगनयान लाँच होण्याची शक्यता आहे.

आर्टेमिस अकॉर्ड्स

पंतप्रधान मोदींच्या या दौऱ्यामध्ये भारताचा आर्टेमिस अकॉर्ड्समध्ये सहभाग होण्याबद्दल देखील चर्चा होऊ शकते. या करारावर स्वाक्षरी करणारे देश अंतराळवीरांच्या सुरक्षिततेसाठी, अंतराळातील मदतीसाठी आणि अंतराळवीरांना पृथ्वीवर येताना मदत करण्यासाठी, तसेच अवकाशात सोडलेल्या वस्तू पृथ्वीवर परत आणण्यासाठी कटिबद्ध आहेत.

PM Modi US Visit
Tricolour outside White House : मोदींच्या दौऱ्यापूर्वी व्हाईट हाऊसबाहेर डौलाने फडकला तिरंगा!

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com