पाकिस्तानी सैन्यप्रमुखांनी आळवला काश्‍मीरचा सूर 

वृत्तसंस्था
Monday, 3 August 2020

बाजवा यांनी सुरवातीला खुरैटा सेक्‍टरला भेट देत परिस्थितीचा आढावा घेतला. यानंतर त्यांनी जवानांशी संवाद साधला.जवानांनी कोणत्याही परिस्थितीत संकटाचा सामना करण्यासाठी तयार राहावे.

इस्लामाबाद -  भारताच्या सीमा रेषेवर पाकिस्तानी सैन्याकडून कुरापती सुरूच आहेत. त्यातच रविवारी पाकिस्तानी सैन्यप्रमुख कमर जावेद बाजवा यांनी अचानक सीमारेषेचा दौरा करत आढावा घेतला. या वेळी जवानांशी संवाद साधताना त्यांनी काश्‍मीरचा सूरदेखील आळवला. बाजवा यांच्या नियोजित दौऱ्याबाबत मात्र पाकिस्तानी प्रसार माध्यमांना कोणतीही माहिती देण्यात आलेली नव्हती. 

जगभरातील घडामोडी वाचण्यासाठी येथे क्लिक करा

बाजवा यांनी सुरवातीला खुरैटा सेक्‍टरला भेट देत परिस्थितीचा आढावा घेतला. यानंतर त्यांनी जवानांशी संवाद साधला. जवानांनी कोणत्याही परिस्थितीत संकटाचा सामना करण्यासाठी तयार राहावे. पाकिस्तानने काश्‍मीरचा दावा सोडलेला नाही. आम्ही शेवटपर्यंत काश्‍मीरसाठी लढत राहणार आहोत. काश्‍मिरी जनतेच्या कायम पाठिशी राहणा आहोत, असा सूर या वेळी बाजवा यांनी जवानांसमोर आळवला. 

पुण्याच्या बातम्या वाचण्यासाठी येथे क्लिक करा

बाजवा म्हणाले, की पाकिस्तानसमोर सध्या अनेक संकटे उभी आहेत. त्यामुळे कठीण काळातून आपल्याला जावे लागत आहे. काही देश पाकिस्तानला कमजोर करण्यासाठी प्रयत्न करत आहेत. त्यामुळे देशाला दुहेरी संकटांचा सामना करावा लागत आहे. आपल्याला विश्‍वास आहे की पाकिस्तानी सैन्य या संकटांचा ध्यैर्याने सामना करेल. 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Secret Army Chief Qamar Bajwa