मोबाईलमध्ये पाहणं भोवलं; आय ड्रॉपऐवजी डोळ्यात घातला नेल ग्लू

मोबाईलचं mobile व्यसन फार वाईट असं कायमच आपल्या घरातील वडीलधारी मंडळी म्हणत असतात. काही अर्थी हे खरंदेखील आहे. एका महिलेला मोबाईलमध्ये पाहणं चांगलंच भोवलं आहे. या महिलेने मोबाईलमध्ये पाहण्याच्या नादात डोळ्यात आय ड्रॉपऐवजी चक्क नेल ग्लू nail glue टाकल्याचा धक्कादायक प्रकार समोर आला आहे.(shocking-news-from-uk-woman-accidentally-puts-nail-glue-in-eye)

युकेमध्ये राहणाऱ्या Katie Beith या ३५ वर्षीय महिलेने नजरचुकीमुळे डोळ्यात नेल ग्लू टाकला. सुदैवाने Katie यांचा डोळा बचावला आहे. परंतु, योग्य वेळी उपचार झाले नसते तर त्यांना डोळा गमवावा लागला असता.

Katie Beith यांना ताप आला होता. त्यांमुळे त्या घरातच आराम करत होत्या. यावेळी मोबाईलवर वेब सीरिज पाहत असताना त्यांच्या डोळ्याची जळजळ होऊ लागली. कदाचित ताप आल्यामुळे डोळ्यांची जळजळ होत असेल असा विचार करुन त्या डोळ्यात आय ड्रॉप घालू लागल्या. मात्र, त्यांनी आय ड्रॉप समजून चक्क नेल ग्लूच डोळ्यात टाकला.

"मला ताप आला होता आणि त्याच वेळी डोळ्यांची जळजळ होत होती. ही जळजळ थांबवण्यासाठी मी डोळ्यात आय ड्रॉप घालण्याचं ठरवलं. त्यासाठी मी बॅगमध्ये आय ड्रॉप शोधण्याचा प्रयत्न केला. पण, आय ड्रॉप काही सापडले नाही. त्याचवेळी मला बाजूला एक सेम दिसणारी बाटली दिसली. ही बाटली आय ड्रॉपचीच आहे असं समजून मी ते डोळ्यात घातलं आणि त्यानंतर डोळ्यांची जळजळ अधिकच वाढली. डोळ्यांची इतकी आग का होते हे पाहण्यासाठी बाटलीचं निरीक्षण केलं तर ती बाटली नेल ग्लूची असल्याचं लक्षात आलं आणि मी प्रचंड घाबरले. पण लगेच मी स्वयंपाक घरात गेले आणि डोळ्यावर थंड पाणी मारलं", असं Katie ने सांगितलं.

दरम्यान, हा प्रकार घडल्यानंतर Katie ने शेजाऱ्यांच्या मदतीने हॉस्पिटल गाठलं आणि उपचार सुरु झाले. सुदैवाने Katie यांचे डोळे बचावले आहे. मात्र, १७ वर्षांच्या कारकिर्दीत असा प्रकार मी कधीच पाहिला नाही असं Katie वर उपचार करणाऱ्या डॉक्टरांनी म्हटलं