श्रीलंकेचे राष्ट्रपती सिंगापूरात दाखल; उद्या सौदी अरेबियाला जाण्याची शक्यता

कोलंबो : श्रीलंकेचे राष्ट्रपती गोटाबाया राजपक्षे (Shrilanka President Gotabaya Rajapaksha) यांनी देशातील आर्थिक महामारी आणि जनतेच्या रोषामुळे देशातून पलायन केलं आहे. देशातील आर्थिक महामारीमुळे तेथील नागरिकांनी राष्ट्रपती भवनावर हल्ला केला होता. राष्ट्रपती राजपक्षे यांनी श्रीलंकेतून पलायन करून मालदीव गाठल्याचं समोर आलं होतं. त्यानंतर ते आता सिंगापूरला गेले आहेत. त्यानंतर आता ते सौदी अरेबियाला जाणार असल्याची माहिती आहे.

(Shrilanka President Gotabaya Rajapaksha Way To Singapore)

दरम्यान, राजपक्षे यांनी श्रीलंकेतून पलायन केल्यावर भारताने त्यांना पळून जाण्यास मदत केली असा आरोप श्रीलंकेने केला होता. त्यानंतर याची गंभीर दखल घेत भारतानं राजपक्षेंना अशी कोणतीही मदत केली नसल्याचं भारतीय उच्चायुक्तांनी स्पष्ट करण्यात आलं आहे. श्रीलंकन जनतेला भारताचा पूर्ण पाठिंबा असल्याचं भारताने सांगितलं आहे.

दरम्यान, गोटाबाया हे सौदी एअरलाईन्सच्या SV 788 या विमानाने मालदीवमधून सिंगापूरला गेले आहेत. तर त्यानंतर ते सिंगापूरहून सौदी अरेबियाला जाणार आहेत. त्यांच्या पलायनानंतर श्रीलंकेत सुरक्षा वाढवण्यात आली आहे.