Sudan Air Strike : सुदानमध्ये लष्कर अन् आरएसएफ संघर्ष पेटला! हवाई हल्ल्यात २२ ठार

सुदानी सैन्य आणि निमलष्करी दल रॅपिड सपोर्ट फोर्स (RSF) यांच्यात सुरू असलेल्या लढाईत सुदानमधील ओमडुरमन शहरावर झालेल्या हवाई हल्ल्यात किमान २२ लोक ठार झाले आहेत. मीडिया रिपोर्ट्सनुसार, आठवडाभर चाललेल्या संघर्षात हा आतापर्यंतचा सर्वात मोठा हल्ला असल्याचे मानले जात आहे.

आरोग्य मंत्रलयाने दिलेल्या माहितीनुसार शनिवारी राजधानी खार्तूम जवळच्या ओमडुरमन शहराच्या निवासी भागात हा हल्ला झाला. ज्यामध्ये अनेक लोक जखमी झाले आहेत. हवाई हल्ला हा राजधानी आणि इतर शहरांमध्ये लष्कर आणि रॅपिड सपोर्ट फोर्स (RSF) यांच्यातील आता पर्यंतचा सर्वात भूषण हल्ला आहे. तसेच गेल्या महिन्यात खार्तूममध्ये झालेल्या हवाई हल्ल्यात पाच मुलांसह १७ जण ठार झाले होते.

मीडिया रिपोर्टनुसार, आरएसएफने लष्करावर ओमडुरमनच्या निवासी भागात हल्ला केल्याचा आरोप केला आहे. या भागात प्रतिस्पर्धी गटांमध्ये हिंसाचार सुरू आहे. या हल्ल्यात ३१ जण ठार झाल्याचे आरएसएफने एका निवेदनात म्हटले आहे. रिपोर्ट्सनुसार, लष्कराने एक महत्त्वाचा सप्लाय कनेक्शन तोडण्याचा प्रयत्नात हा केला.

दरम्यान आरएसएफने सुदानी सैन्याने केलेल्या हवाई हल्ल्याचा तीव्र निषेध केला आहे. तसेच या गटाने त्यां्या निवेदनात लष्कराने (SAF)कडून करण्यात आलेल्या या हल्ल्यात ३१ हून अधिक लोकांचा मृत्यू झाला आहे आणि अनेक नागरिक देखील जखमी झाले आहेत.