भारताचं राष्ट्रगीत टांझानियाच्या भावंडांनी गायलं; Video Viral

अफ्रिकेतील टांझानिया येथील इंटरनेट सेन्सेशन असलेले भावंडं किली पॉल आणि त्यांची बहीण नीमा यांचा पुन्हा एक नवा व्हिडिओ व्हायरल झाला आहे. टांझानियनची ही भावंड बॉलीवूडची गाणी गाऊन सोशल मिडियावर प्रसिद्ध झाली. त्यांचे व्हिडिओ भारतीयांसह सर्वांनाच खूप आवडतात. आज भारत ७३ वा प्रजासत्ताक दिन साजरा करत आहे त्यानिमित्त किली आणि निमाने भारतातील सर्व चाहत्यांसाठी आणि फॉलोअर्ससाठी खास भेट दिली आहे.

किली पॉलने स्वत:चा आणि त्याच्या बहिणीचा भारताचे राष्ट्रगीत 'जन गण मन' गातानाचा व्हिडिओ शेअर करुन सर्व भारतीयांना प्रजासत्ताक दिनाच्या शुभेच्छा दिल्या आहेत. किलीने भारतातील त्याच्या सर्व चाहत्यांना दिलेली ही कदाचित सर्वोत्तम भेट होती.

भारताच्या 73 व्या प्रजासत्ताक दिनी, किली पॉलने स्वतःचा आणि त्याच्या बहिणीचा भारताचे राष्ट्रगीत गातानाचा व्हिडिओ पोस्ट केला. त्यांनी सर्वांना प्रजासत्ताक दिनाच्या शुभेच्छाही दिल्या. “भारताच्या प्रजासत्ताक दिनाच्या शुभेच्छा'' असे कॅप्शन देऊन त्यांनी व्हिडिओ शेअर केला आहे.

भारतीयांना हा व्हिडिओ प्रंचड आवडला आहे. आता पर्यंत या व्हिडिओला ३ लाखांपेक्षा जास्त व्हूयज मिळाले आहे.

किली आणि नीमा पॉल यांचा एक व्हिडिओ इंस्टाग्रामवर व्हायरल झाल्यानंतर रातोरात इंटरनेट सेन्सेशन बनले. किली आणि नीमा ही टांझानियामधील भाऊ-बहीण जोडी आहेत ज्यांनी त्यांच्या ऑन-पॉइंट लिप-सिंक व्हिडिओ आणि ग्रूवी कोरिओग्राफीने नेटिझन्सची मने जिंकली आहेत. इंस्टाग्रामवर किलीचे 1.4 दशलक्ष फॉलोअर्स आहेत.