Donald Trump : ट्रम्पना निधी दिल्याचा दावा फेटाळला

वॉशिंग्टन : ‘टेस्ला’ आणि ‘स्पेसएक्स’ कंपन्यांचे मुख्य कार्यकारी अधिकारी व अब्जाधीश उद्योगपती एलॉन मस्क यांनी डोनाल्ड ट्रम्प यांच्या अध्यक्षपदाच्या प्रचारासाठी मासिक चार कोटी ५० लाख डॉलरचा निधी योजना त्यांनी आखली आहे, असे वृत्त ‘वॉल स्ट्रीट जर्नल’ने दिले आहे. मात्र मस्क यांनी ते फेटाळले आहे.

अमेरिकेच्या अध्यक्षपदी ट्रम्प पुन्हा निवडून येण्यासाठी त्‍यांच्या प्रचारास ४.५० कोटी डॉलरचे अर्थसाह्य दर महिन्याला करण्याचा मस्क यांचा विचार आहे, असे वृत्त ‘वॉल स्ट्रीट जर्नल’ने दिले आहे.

पण ट्रम्प यांच्या समर्थनार्थ उभारलेल्या ‘पॉलिटिकल ॲक्शन कमिटी’ला (पीएसी-पॅक) असा निधी देण्याचे वृत्त खोटे असल्याचे मस्क यांनी म्हटले आहे. ‘एक्स’वर त्यांनी याबाबत खिल्ली उडविणारा पोस्ट टाकली आहे. त्यात मानवी पाय असेलेले दोन वाईल्डबीस्ट प्राणी (ज्याला ग्नू असेही म्हणतात) दिसत असून ‘फेक ग्नू’ असे म्हटले आहे.