Twitter Down : जगभरातील यूजर्संकडून सोशल मीडियावर तक्रार

फेब्रुवारी २०२२ मध्ये ट्विटरची सेवा एका आठवड्यात दोन वेळा ठप्प झाली होती. दरम्यान, आज पुन्हा एकदा सोशल नेटवर्किंग साइट ट्विटरची सेवा ठप्प झाली आहे. यासंबंधित अनेक यूजर्संनी सोशल मीडियावर याची तक्रार केली आहे. त्यांच्या माहितीनुसार, ट्विटर अॅक्सेस करण्यात आणि ट्विट पाहण्यासही अनेक अडचण येत असल्याचे त्यांनी म्हटले आहे. (Twitter down again)

युजर्सनी सोशल मीडियावर ट्विट पाहण्यात अडचण येत असल्याची तक्ररा ट्वीट करत केली आहे. यासोबत सोशल मीडियावर #TwitterDown सुद्धा ट्रेंड सुरू आहे. ट्विटरने यासंबंधी सांगितले की, ही सेवा लवकरच सुरळीत केली जाणार आहे. मात्र साईट बंद असल्याने युजर्सनी नाराजी व्यक्त केली आहे.

सोशल मीडियावर ट्विटरची सेवा ठप्प होण्याची माहिती सांगताना यूजर्सने म्हटलंय की, ओव्हर कॅपिसिटीचे एरर दिसत आहे. त्यामुळे आपोआप लॉगआउट होत आहे. अकाउंट तसेच कोणतेही ट्विटही दिसत नाही. तसेच ट्विट करण्यात अडचणी येत आहेत. ट्विटरचा वापर करताना त्यांचे अकाउंट आपोआप लॉगआउट होत असल्याची तक्रारही अनेकांनी केली आहे.

दरम्यान, ट्विटरची सेवा ठप्प झाल्याने हजोरो लोकांनी याची तक्रार केली आहे. यूजर्स ट्विटरचा वापर करू शकत नाहीत. यूजर्संना ट्विटर लॉग इन करणे आणि ट्विट करण्यात अडचण येत आहे. या दरम्यान ट्विटर ने ट्विट करून ही माहिती दिली आहे की, ज्यांना ट्विटर अॅक्सेस करण्यात अडचण येत आहे. यावर काम केले जात आहे. लवकरच ही सेवा पूर्वपदावर येईल, असे ट्विटरकडून देण्यात आली आहे.