अटी मान्य करा, अन्यथा विनाश करू : पुतीन | Sakal
sakal

बोलून बातमी शोधा

ukraine russia war Accept terms destruction Vladimir Putin

अटी मान्य करा, अन्यथा विनाश करू : पुतीन

मॉस्को : युक्रेन आणि रशिया यांच्यातील युद्धाचा पाचवा महिना सुरु असताना, ‘कारवाईची ही तर फक्त सुरुवात आहे,’ असे रशियाने म्हटले आहे. तसेच, युक्रेनने आमच्या अटी तातडीने मान्य कराव्या, अन्यथा आणखी विनाशासाठी सज्ज राहावे, असा इशारा रशियाचे अध्यक्ष व्लादीमिर पुतीन यांनी दिला आहे. युक्रेनमधील रशियासमर्थक नेत्यांशी संवाद साधताना पुतीन यांनी पाश्‍चिमात्य देशांवर टीका केली. ते म्हणाले,‘‘अखेरचा युक्रेनी नागरिक जिवंत असेपर्यंत आम्ही युद्ध करत रहावे, अशीच पाश्‍चिमात्यांची इच्छा आहे.

युक्रेनसाठी ही अत्यंत खेदाची बाब असली तरी वाटचाल त्याच दिशेने सुरु आहे. आमच्याविरोधात मोठ्या मोठ्या वल्गना करणाऱ्यांनी एक गोष्ट लक्षात ठेवावी की आम्ही अजूनही पूर्ण जोर लावून कारवाई सुरुच केलेली नाही. त्यामुळे युक्रेनने आमच्या अटी तातडीने मान्य कराव्या. नाहीतर, आतापर्यंत झाला त्याहून कितीतरी अधिक मोठ्या विनाशासाठी सज्ज रहावे.’’ युद्ध थांबविण्यासाठी आम्ही चर्चा करण्यास आहोत. चर्चेसाठी तुम्ही जितका विलंब कराल, तितका तुम्हालाच त्रास अधिक होईल, असेही पुतीन यांनी झेलेन्स्की यांना बजावले.

Web Title: Ukraine Russia War Accept Terms Destruction Vladimir Putin

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top