Iran: हिजाबविरोधात महिलांचे नेतृत्व करणाऱ्या 20 वर्षीय तरुणीची गोळ्या घालून हत्या

काराज शहरात निषेध करत असताना नफाजीवर गोळ्या झाडण्यात आल्या
hijab
hijabesakal

इराणमध्ये हिजाबवरून सुरू झालेला वाद थांबण्याचे नाव घेत नाही आहे. दरम्यान, हिजाबविरोधातील निदर्शनांमध्ये महिलांचे नेतृत्व करणाऱ्या हादीस नफाजी या २० वर्षीय तरुणीची हत्या करण्यात आल्याचे समोर आले आहे. नफाजीच्या मृत्यूशी संबंधित अनेक पोस्ट सोशल मीडियावर व्हायरल होत आहेत.

मिळालेल्या माहितीनुसार, राजधानी तेहरानजवळील काराज शहरात निषेध करत असताना नफाजीवर गोळ्या झाडण्यात आल्या. तिचा एक व्हिडिओ इंटरनेटवर खूप व्हायरल होत आहे, ज्यामध्ये ती प्रात्यक्षिक दरम्यान हिजाबशिवाय इराणच्या नैतिक पोलिसांसमोर रबर बँडने केस बांधताना दिसत आहे. तिचा शनिवारी कारज येथे मोरल पोलिसांनी सहा गोळ्या झाडून खून केला. लोक तिच्या कबरीजवळील तिच्या फोटो समोर रडताना दिसत आहेत.

रिपोर्ट्सनुसार, तिला छाती पोट, मान आणि हातावर गोळ्या लागल्या आहेत. विशेष म्हणजे इराणमधील हिजाबचा वाद थांबण्याचे नाव घेत नसून त्यात वाढच होत आहे. मोरल पोलिसांनी ताब्यात घेतलेल्या महसा अमिनीच्या मृत्यूनंतर सुरू झालेल्या आंदोलनाला उग्र वळण लागले आहे. इराणमध्ये हिजाबविरोधी आंदोलनात ४१ हून अधिक लोकांचा मृत्यू झाला आहे. आतापर्यंत 700 हून अधिक जणांना अटक करण्यात आली आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com