US student visa: आता अमेरिकेत परदेशी विद्यार्थ्यांच्या 'व्हिसा'ला चार वर्षांची मर्यादा? लाखो भारतीय विद्यार्थ्यांवर होणार परिणाम

DHS Ends Duration of Status F1 Visa: अमेरिकेत राहून शिक्षण घेणाऱ्या परदेशी विद्यार्थ्यांच्या व्हिसासंबंधी नवीन नियम लागू करण्यात आले आहेत. अशा विद्यार्थ्यांना अमेरिकेतील वास्तव्यासाठी केवळ चार वर्षांची मर्यादा घालून देण्यात आलेली आहे. अमेरिकेच्या गृहसुरक्षा विभागाने नवीन नियम लागू केले आहेत. नवीन नियमांनुसार, आंतरराष्ट्रीय विद्यार्थी, एक्स्चेंज व्हिजिटर्स आणि परदेशी माध्यमांच्या प्रतिनिधींसाठी आता 'ड्युरेशन ऑफ स्टेटस'ऐवजी निश्चित मुदतीचा व्हिसा लागू केला जाणार आहे.