पाकची सर्व 'एफ-16' विमाने सुस्थितीत 

Pakistan
Pakistan

वॉशिंग्टन : अमेरिकेने पाकिस्तानला दिलेली सर्व "एफ-16' लढाऊ विमाने सुस्थितीत असल्याचा दावा अमेरिकेतील "फॉरेन पॉलिसी' या मासिकाने केला आहे. याबाबत अमेरिकेच्या संरक्षण मंत्रालयाकडून अद्याप प्रतिक्रिया देण्यात आलेली नाही. 27 फेब्रुवारी रोजी भारतीय हवाई दलाने केलेल्या कारवाईमध्ये पाकिस्तानचे एक "एफ-16' लढाऊ विमान पाडल्याचा दावा भारताकडून करण्यात आला होता. 

"फॉरेन पॉलिसी' मासिकात प्रसिद्ध झालेल्या लेखात लारा सेलिग्मन यांनी म्हटले आहे, की अमेरिकी अधिकाऱ्यांनी केलेल्या पाहणीमध्ये पाकिस्तानला देण्यात आलेली सर्व "एफ-16' विमाने सुस्थितीत आहेत. पाकिस्तानचे एक "एफ-16' विमान पाडल्याचा दावा भारताने केल्यानंतर अमेरिकेकडून पाहाणी करण्यात आली होती. 

"सविस्तर माहिती समोर आल्यामुळे भारतापुढील अडचणी वाढल्याचे दिसून येते. यातून पाकिस्तानचे मोठे नुकसान करण्यात भारताला अपयश आल्याचे दिसून येते आहे. त्याच वेळी भारताला एक लढाऊ विमान आणि एक हेलिकॉप्टर गमवावे लागले आहे,'' अशी प्रतिक्रिया "एमआयटी'चे प्राध्यापक विपीन नारंग यांनी मासिकाशी बोलताना दिली. 

काश्‍मीरमधील भारतीय लष्कराच्या ठिकाणांना लक्ष्य करण्यासाठी अमेरिकी बनावटीच्या "एफ-16' या लढाऊ विमानांचा पाकिस्तानकडून वापर करण्यात आला होता, असा दावा भारतीय हवाई दलाने 28 फेब्रुवारी रोजी केला होता. त्याचे पुरावे म्हणून "ऍमरॅम' क्षेपणास्त्राचे काही अवशेष भारतीय हवाई दलाकडून सादर करण्यात आले होते. तसेच पाकिस्तानचे एक "एफ-16' विमान पाडण्यात आल्याचा दावा भारतीय हवाई दलाकडून करण्यात आला होता. पाकिस्तानने मात्र भारताचा दावा फेटाळून लावला होता. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com