अमेरिकेत गोळीबाराच्या छोट्या-मोठ्या घटनांकडं नेहमीच मोठी समस्या म्हणून पाहिलं जातं.
शिकागो : अमेरिकेतील शिकागोमध्ये (USA Chicago) आठवड्याच्या शेवटी झालेल्या गोळीबाराच्या वेगवेगळ्या घटनांमध्ये 8 जण ठार झालेत, तर 16 जण जखमी झाले आहेत. स्थानिक मीडिया रिपोर्ट्समध्ये यासंदर्भातील माहिती देण्यात आलीय.
शहर पोलिसांच्या हवाल्यानं स्थानिक माध्यमांनी दिलेल्या वृत्तानुसार, गोळीबाराची घटना शुक्रवारी सायंकाळी 5:45 च्या सुमारास घडली. NBC शिकागो दक्षिण किलपॅट्रिक इथं 69 वर्षीय व्यक्तीची त्याच्याच घरी गोळ्या झाडून हत्या करण्यात आली. तर, पीडितांमध्ये अल्पवयीन आणि 62 वर्षीय महिलेसह सर्व वयोगटातील लोकांचा समावेश आहे. ब्राइटन पार्क, साउथ इंडियाना, नॉर्थ केडजी अव्हेन्यू, हम्बोल्ट पार्क यासह अनेक भागात या घटना घडल्याचं अहवालात म्हटलंय.
एका माध्यमाच्या वृत्तानुसार, गेल्या आठवड्याच्या शेवटी शहरात झालेल्या गोळीबाराच्या या सर्व घटनांमध्ये एकूण आठ जणांचा मृत्यू झालाय. या हत्यांशिवाय सुमारे 42 जण जखमीही झाले आहेत. अमेरिकेत अशा गोळीबाराच्या छोट्या-मोठ्या घटनांकडं नेहमीच मोठी समस्या म्हणून पाहिलं जातं. 2022 मध्ये युनायटेड स्टेट्समध्ये 140 हून अधिक सामूहिक गोळीबाराच्या घटना नोंदवण्यात आल्या आहेत, असं एका रिपोर्टमध्ये नमूद करण्यात आलंय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
