World Hunger : काही देशांच्या युद्धामुळे जगभरात वाढले उपासमारीचे संकट; काय आहे परिस्थिती?

World Hunger : जगभरात मागील वर्षी ५९ देशांमधील २८ कोटींहून अधिक लोकांना प्रचंड उपासमारीचा सामना करावा लागला. गाझातील संघर्षामुळे सुमारे २० लाख लोक निर्वासित झाले असल्याने त्याचा परिणाम म्हणून उपासमारी झालेल्यांच्या संख्येत वाढ झाली असल्याचे संयुक्त राष्ट्रांच्या एका अहवालात म्हटले आहे.

या अहवालानुसार, २०२२ या वर्षाच्या तुलनेत २०२३ मध्ये अडीच कोटी अधिक जणांना उपासमार सहन करावी लागली. सुदान आणि गाझामधील संघर्षग्रस्त स्थितीमुळे ही संख्या वाढली. अतिप्रचंड उपासमारीचा सामना करत असलेल्या सुमारे पावणे सहा लाख लोकांपैकी ८० टक्के जण गाझामधील आहेत.

येथे समस्या गंभीर

प्रचंड उपासमारी : गाझा पट्टी, सुदान, बुर्किना फासो, सोमालिया आणि माली

अन्नटंचाईची शक्यता : पूर्व आफ्रिका, मलावी, झांबिया आणि झिंबाब्वे

देश आणि अन्नटंचाईचे प्रमाण (टक्क्यांमध्ये)

• गाझा (१००)

• दक्षिण सुदान (६२)

• येमेन (५९)

• सीरिया (५८)

• हैती (५०)

• अफगाणिस्तान (४८)

• सेंट्रल आफ्रिका रिपब्लिक (४४)

• सुदान (४२)

• सोमालिया (३९)

• लेबनॉन (३८)

उपासमारीची स्थिती

५९ देश : उपासमारीचा सामना करणारी २८ कोटी लोकसंख्या

५ देश : अतिप्रचंड उपासमारीचा सामना करणारी ७ लाख ०५ हजार लोकसंख्या

३९ देश : प्रचंड उपासमारीचा सामना करणारी ३.६० कोटी लोकसंख्या