नवी दिल्ली- जागतिक आरोग्य संघटनेचे (WHO) प्रमुख टेड्रोस एडनम कोरोना रुग्णाच्या संपर्कात आल्याने क्वारंटाइन झाले आहेत. त्यांनी रविवारी टि्वट करुन ही माहिती दिली. एका कोविड-19 रुग्णाच्या संपर्कात मी आलो होतो. परंतु, मला आतापर्यंत कोणतेही लक्षणे जाणवत नसल्याचे त्यांनी टि्वटमध्ये म्हटले आहे.
टेड्रोस एडनम यांनी आपल्या टि्वटमध्ये म्हटले आहे की, मी कोविड-19 पॉझिटिव्ह असलेल्या व्यक्तीच्या संपर्कात आल्याचे मला समजले आहे. मी ठीक आहे. कोणत्याही प्रकारची मला लक्षणे जाणवत नाहीत. परंतु, प्रोटोकॉलनुसार मी काही दिवसांसाठी क्वारंटाइन असेल आणि घरुन काम करेन.
या महामारीदरम्यान प्रत्येकाने आरोग्यासंबंधीच्या दिशा-निर्देशांचे पालन करणे महत्त्वाचे आहे. कारण त्यामुळे याच्या संसर्गाचा दर कमी होईल आणि आरोग्य यंत्रणेवर येणारा दबावही कमी होईल. दरम्यान, कोरोना संक्रमित व्यक्तीच्या संपर्कात आल्यानंतर किमान 14 दिवस क्वारंटाइन राहावे लागते.
संपूर्ण जगभरात आतापर्यंत साडेचार कोटीहून अधिक नागरिकांना कोरोनाची लागण झालेली आहे. आतापर्यंत यात किमा 12 लाख नागरिकांचा मृत्यू झाला आहे. एकट्या अमेरिकेत कोरोना बाधितांची संख्या एक कोटीहून अधिक झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.