हेल्थ टिप्स: आरोग्य उत्तम राखण्यासाठी समतोल आहार खूप गरजेचा

आरोग्य उत्तम राखण्यासाठी समतोल आहार खूप गरजेचा आहे. अलीकडे आरोग्य, फिटनेस आणि आहार याविषयी खूप जागरूकता दिसते. 

• ग्रीन टीचे सेवन दररोज केल्याने वजन कमी होण्यास मदत होते. ग्रीन टीमध्ये कर्करोगाशी लढण्याचीही क्षमता आहे. 
• ग्रीन टीबरोबर काळे मिरे म्हणजे सोने पे सुहागा. या दोन्ही पदार्थांमधले अँटी ऑक्‍सिडंट हृदयरोगाला दूर ठेवण्यास मदत करते. 
• ऑलिव्ह ऑइल आणि टोमॅटो यांचे दररोज सेवन शरीरातील फॅटी ऍसिड कमी करण्यास मदत करते. 
• केळी हे सहज उपलब्ध होणारे फळ आहे. केळीमध्ये मॅग्नेशिअम, कॉपर, फायबर, कॅल्शिअम, पोटॅशियम, तसेच व्हिटॅमिन सी, ई, ए व क भरपूर प्रमाणात असते. केळीचा समावेश रोजच्या आहारात असावा. 
• डार्क चॉकलेट हृदयक्रिया उत्तम राखण्यास मदत करते. डार्क चॉकलेटबरोबर रोज एक सफरचंद खाल्ल्यास या दोन्हींचे कॉम्बिनेशन हृदयरोग्यांना लाभदायक ठरते. 
• शरीर आणि मन यांचे परस्परांशी नाते आहे; त्यामुळे व्यायाम किंवा वॉक घेताना मन प्रसन्न ठेवावे. एखाद्या घटनेचा किंवा दिवसभरात काय काय करायचे आहे, याचा विचार करू नये. 
• जास्त व्यायाम केला किंवा जास्त वॉक घेतला की लगेचच आपण तंदुरुस्त झालो, असे होत नाही. 
• व्यायामामध्ये सातत्य ठेवावे; मात्र प्रकृती ठीक नसताना विश्रांती घ्यावी.
• व्यायाम किंवा वॉक घेऊन झाल्यानंतर लगेचच पाणी घेऊ नये.
• व्यायाम किंवा वॉक घेत असताना थकवा जाणवल्यास लगेचच विश्रांती घ्यावी.
• व्यायाम करणाऱ्या तरुणांमध्ये शक्‍य तेवढ्या लवकर शरीरसंपदा कमावण्याकडे कल असतो. त्यासाठी सप्लिमेंटचा आधार घेतला जातो; पण डॉक्‍टरांचा सल्ला घेऊनच सप्लिमेंटचा वापर करावा. दूध, अंडी, फळे हा उत्तम आहार आहे.
• नवोदितांनी सूर्यनमस्कार आणि लाकडी डंबेल्सने व्यायाम सुरू करावा.
• व्यायामशाळेत डबलबारवर कसरत करताना सावधगिरी बाळगावी.
• वाढत्या वयाबरोबर गुडघा आणि पाठदुखीचा त्रास होत असतो. अशा वेळी या अवयवांवर ताण येणार नाही, अशा प्रकारे व्यायामाचे प्रकार करावेत.
• संगणकीकरणामुळे सातत्याने खुर्चीत बसावे लागल्याने स्नायू आखडतात. अशा वेळी काही ठराविक वेळानंतर खुर्चीतून उठून हात-पाय मोकळे करावेत.
• खुर्चीत बसल्या-बसल्याही व्यायामाचे काही हलके प्रकार करता येतात.
• उंच इमारतीत पहिल्या-दुसऱ्या मजल्यावर कार्यालय असल्यास जिन्याच्या वापरानेही पायांना व्यायाम मिळू शकतो.