फिट है तो हिट है!

Setubandhasan
Setubandhasan

सेतुबंधासन हे शयन स्थितीतील म्हणजेच पाठीवर झोपून करण्याचे आसन आहे. आसनाची अंतिम स्थिती सेतूप्रमाणे दिसते; म्हणून त्यास सेतुबंधासन म्हणतात. योग्य मार्गदर्शनाखाली आसने केल्याने शारीरिक व मानसिक आरोग्य सुधारते. आसनांच्या जोडीला ध्यानधारणा, विविध व्यायामप्रकार, सात्त्विक आहार, ही जीवनशैली स्वीकारल्यास विविध आजारांपासून तुमची सुटका होते व सुदृढ आयुष्य जगता येते, आयुष्याचा आनंद घेता येतो. ‘बालकवीं’च्या कवितेतील ‘आनंदी आनंद गडे, इकडे तिकडे चोहीकडे...’ अशी आनंदानुभूती आपल्याला घेता येते.

- पुण्याच्या बातम्या वाचण्यासाठी येथे ► क्लिक करा

आसनाचे फायदे 

  • पाठदुखी, कंबरदुखी कमी होते.
  • पाठीचा कणा सुदृढ, लवचीक होतो. 
  • संपूर्ण शरीराचा रक्तप्रवाह सुरळीत होतो. 
  • थायरॉइडचा त्रास कमी होण्यास उपयुक्त. 
  • फुप्फुसांची कार्यक्षमता वाढते. 
  • अस्थमाचा त्रास कमी होण्यासाठी उपयुक्त.
  • श्‍वसनाचे त्रास कमी होतात. 
  • आत्मविश्‍वास वाढण्यास मदत होते. 
  • पचनसंस्था, उत्सर्जन संस्था यांचे कार्य सुधारते. 
  • पोटावरची अतिरिक्त चरबी कमी होते. 
  • डिप्रेशन, मानसिक ताण कमी होतात. 
  • महिलांच्या विविध समस्यांवर उपयुक्त. 

मानसिक स्वास्थासाठी 

  • दररोज अनुलोम-विलोम प्राणायाम करावा, ध्यान करावे. 
  • रोज चालण्याचा व्यायाम करावा. 
  • आठवड्यातून एकदा तरी आपल्या आवडत्या छंदासाठी वेळ काढावा, छंद जोपासावा.
  • सात्त्विक आहार घ्यावा. 

असे करा आसन 

  • पाठीवर झोपून दोन्ही पाय गुडघ्यात वाकवावेत. 
  • पायाचे तळवे जमिनीला टेकवावेत. 
  • कंबर, पाठ जमिनीवरून वर उचलावेत. 
  • हाताने पाठीला, कंबरेला आधार द्यावा.
  • त्यानंतर हळूहळू एक-एक पाय पुढच्या बाजूला सरळ करावेत, गुडघे ताठ असावेत. 
  • डोक्याची मागची बाजू, खांदे, कोपर, दंड, दोन्ही तळपाय जमिनीला टेकलेले असावेत. 
  • याच्या अंतिम स्थितीमध्ये गळ्यावर छान दाब येतो. छाती, मांडी व पोटावर ताण येतो. पाठीवर दाब येतो.
  • १ ते दीड मिनिट स्थिर राहण्याचा प्रयत्न करावा. आसन सोडताना सावकाश उलट क्रमाने सोडावे.
  • त्यानंतर पवनमुक्तासन करावे, कंबरेवरचा दाब कमी होईल. गळ्यावरचा दाब कमी करण्यासाठी सरल मत्स्यासन करावे.

काय काळजी घ्याल.... 

  • मानेचा त्रास, स्पाँडिलिसिस, व्हर्टिगोचा त्रास असणाऱ्यांनी हे आसन करू नये. 
  • पोटाची, पाठीची शस्त्रक्रिया झाली असल्यास सल्ला घेऊन आसन करावे; अन्यथा त्रास होऊ शकतो. 
  • जेवढा जमेल तेवढाच सराव करावा, आसन 
  • ओढून-ताणून करू नये.

Edited By - Prashant Patil

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com