Calcium Deficiency In Babies: बाळाला कॅल्शिअमची कमतरता? मग जाणून घ्या याची कारणे आणि उपाय

How To Prevent Calcium Deficiency In Babies: लहान मुलांमध्ये मुडदूस (रिकेट्स) किंवा गुडघ्याखालील पायाचा बाक व फ्रॅक्चरचे प्रमाण वाढत चालले आहे. याला मुख्यत्वेकरून आपल्या बदललेल्या खाण्याच्या पद्धती, राहण्याच्या पद्धती व जास्त धावते जीवन कारणीभूत आहे..बाळ पोटात असताना व जन्मानंतरही सहा ते नऊ महिन्यांपर्यंत बालकाला आवश्यक असलेले कॅल्शिअम आईकडून मिळते. त्यानंतर मात्र ही गरज पोषक आहारातून भागवली जाणे गरजेचे असते. त्यासाठी दूध, दही, पनीर, हिरव्या पालेभाज्या, नाचणी, सोया, मासे हे परिपूर्ण असतात.बालकाचे वय एक ते तीन वर्षे असताना त्याला दरदिवशी 500 मिलिग्रॅम कॅल्शिअमची गरज असते व हे दोन कप दुधातून मिळू शकते..PM Modi Share Simple Tips : पीएम मोदींनी पॉडकास्टमध्ये सांगितले नवीन शिकण्याचे सोपे मंत्र, काय आहेत ते? जाणून घ्या एका क्लिकवर.बालकाचे वय चार ते आठ वर्षे असताना त्याला दरदिवशी 800 मिलिग्रॅम कॅल्शिअमची गरज असते व हे तीन कप दुधातून मिळू शकते. तसेच बालकाचे वय 9 ते 18 वर्षे असताना त्याला दरदिवशी 1300 मिलिग्रॅम कॅल्शिअमची गरज असते व हे चार कप दुधातून मिळू शकते. जर वरील प्रमाणात दूध घेता आले नाही, तर त्याऐवजी वरील कॅल्शिअम असणारे पदार्थ खाणे गरजप्राप्त असते.."ड' जीवनसत्त्वाच्या गोळ्या तर असतातच, परंतु नैसर्गिक प्रकारात हे सूर्याच्या किरणांच्या माध्यमातून त्वचेखाली तयार होते. त्यासाठी दररोज 15 ते 20 मिनिटे कोवळ्या उन्हात बसणे जरुरी आहे. पूर्वजांनी घातलेल्या या रीती आपण किती सहजासहजी विसरून गेलो आहोत! "ड' जीवनसत्त्व हेच कॅल्शिअम शोषून घेण्यास व हाडांमध्ये स्थिर करण्यास मुख्यत्वेकरून कारणीभूत असते. त्यामुळे "ड' जीवनसत्त्वाची कमतरता होऊ देऊ नये..हाडांची घनता जसे वय वाढते, तशी वाढत जाते. सर्वांत जास्त ती 15 ते 18 या वयात होते व नंतर ती हळूहळू कमी होत जाते. त्यामुळे जर लहानपणीच चांगला आहार ठेवून हाडे बळकट बनवली तर मोठ्या वयात फ्रॅक्चर व हाडांच्या ठिसूळपणाचे प्रमाण कमी होऊ शकते.मुडदूस (रिकेट्स) हे आहारात कॅल्शिअम व "ड' जीवनसत्त्व कमी झाल्यास किंवा किडनीच्या (मूत्रपिंड) विकाराने होऊ शकते. रिकेट्समध्ये गुडघ्याखालील पायाच्या हाडाला बाक येणे, टाळू उशिरा भरणे, मनगटावर सूज येणे असे होऊ शकते. असे आढळल्यास आपल्या डॉक्टरचा सल्ला घ्यावा. अशावेळी रक्ततपासणी व एक्सरेद्वारे याचे निदान होऊ शकते व औषधांनी हे पूर्णपणे बरे होऊ शकते..जवळजवळ सर्वच मुलांमध्ये एक वर्षापर्यंत बी लेग्ज (पायांमध्ये थोडी कमान) असते, जी दीड वर्षापर्यंत नाहीशी होते. दोन ते चार वयोगटात नॉक नीज (गुडघे जवळ येऊन पावलांतील अंतर वाढणे) दिसून येतात. चार ते आठ वर्षांपर्यंत नैसर्गिकरीत्या सरळ होऊन जातात. ह्या वयात, कुठल्याही टप्प्यावर जर कॅल्शिअम अथवा "ड' जीवनसत्त्वाची कमतरता निर्माण झाली तर तो बाक तसाच राहतो.हे टाळण्यासाठी मुलांना लहान वयातच दूध पिण्याची चांगली सवय लावा आणि यदाकदाचित त्यांना दूध आवडत नसेल तर मिल्कशेक किंवा चविष्ट लस्सी करून देण्याचे कष्ट घ्या!(सकाळ अर्काईव्हमधून).सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Calcium Deficiency In Babies: बाळाला कॅल्शिअमची कमतरता? मग जाणून घ्या याची कारणे आणि उपाय

Related Stories

अपुरी झोप शरीरासाठी किती धोकादायक ठरू शकते?

सारखा पोटात गॅस होतोय? पचनक्रिया सुधारण्यासाठी 'या' सवयी आजच सोडा!

रोज ताक पिणाऱ्यांनी लक्षात ठेवा! ‘या’ 8 चुकींमुळे बिघडू शकते तब्येत

डोकेदुखी