

Carpal Tunnel Syndrome Symptoms and Treatment
esakal
सकाळची वेळ होती. ४८ वर्षांच्या निशा शर्मा नेहमीप्रमाणे स्वयंपाकघरात पोळ्यांसाठी कणिक मळत होत्या. मात्र, अचानक त्यांच्या उजव्या हाताची ताकदच गेली आणि कणकेचा गोळा हातातून निसटून खाली पडला. काही महिन्यांपासून त्यांच्या उजव्या हाताचा अंगठा, मधलं बोट आणि अनामिका या बोटांमध्ये विचित्र मुंग्या येणे, जळजळ आणि बधीरपणा जाणवत होता. कधीकधी या संवेदना मनगटापासून वर कोपराच्या दिशेने पसरल्यासारखी वाटायच्या. रात्री तर त्यांची झोपच उडाली होती.