Ayurvedic Medicine : तापात स्वत:च्या मनाने घेऊ नका या आयुर्वेदिक औषधी, शरीरात जाताच होतात विषारी

Fever : पावसाळ्यात बरेच जिवजंतू आणि किटक वातावरणात पसरतात. ज्यांची प्रतिकारशक्ती कमकुवत असते ते अशावेळी लगेच आजारी पडतात. पावसाळ्यात ताप, सर्दी खोकला सारखे आजार फार सामान्य आहेत. अशात बरेच जण स्वत:च्या मनाने औषधी घेतात. मात्र आयुर्वेदिक औषधी घेताना तुम्ही सावधगिरी बाळगायला हवी. नाहीतर तुमच्या शरीरावर त्याचे गंभीर परिणाम होऊ शकतात.

कुठल्याही संसर्गात सामान्यतः ताप येतो, बरेच लोक तापात अॅलोपॅथीच्या औषधांऐवजी घरगुती उपचारांना प्राधान्य देतात. म्हणूनच आयुर्वेदिक औषधांवर जास्त भर दिला जातो. तुम्ही अनेकदा पाहिलं असेल की काही लोक ताप आल्यावर अश्वगंधाचं सेवन करतात, पण ताप उतरवण्याचा हा योग्य उपाय आहे का? जाणून घेऊया सविस्तर

अश्वगंधी ही एक आयुर्वेदिक औषधी आहे

अश्वगंधा सामान्यतः पावडर किंवा टॅब्लेटच्या रूपात वापरली जाते, ज्यामुळे बरेच संसर्ग दूर होतात, जेव्हा कोरोना विषाणूची साथ पसरली तेव्हा अनेकांनी अश्वगंधाचा काढा पिण्यास सुरुवात केली. याद्वारे रोगप्रतिकारशक्ती वाढवली जाते ज्यामुळे संसर्गाचा धोका कमी होतो आणि कोणताही विषाणूजन्य आजार आपल्या शरीरावर अटॅक करू शकत नाही?

तापात अश्वगंधा खाऊ नये

अश्वगंधा आपल्या शरीरासाठी खूप फायदेशीर आहे यात शंका नाही, परंतु तिचा वापर प्रत्येक आजारात करू नये, अन्यथा फायद्याऐवजी नुकसान होऊ शकते. विशेषत: जेव्हा तुम्हाला ताप येत असेल तेव्हा अश्वगंधा आवर्जून टाळा. अश्वगंधा पचायला जड असते आणि तापाच्या वेळी पचनसंस्थेवर परिणाम होतो. अशा स्थितीत तुम्हाला पोटाची समस्या उद्भवू शकते, ज्यामध्ये बद्धकोष्ठता, गॅस, अपचन यांसारख्या समस्यांचा समावेश असू शकतो. (Ayurvedic Medicine)

लिव्हर डॅमेजचा धोका

अश्वगंधा तुमच्या शरीराला ऊर्जा देते, पण त्याचा जास्त वापर केल्याने ते घातक ठरू शकते. म्हणून, या औषधी वनस्पतीचे सेवन करण्यापूर्वी, आयुर्वेदिक डॉक्टरांचा सल्ला घ्या आणि स्वत:च्या मनाने तापात औषधी घेऊ नका, कारण त्याच्या अति वापरामुळे लिव्हर संबंधित समस्या देखील होऊ शकतात. (Health)