हातांनी देता येणारी ‘सीपीआर’ संजीवनी

डॉ. ऋतुपर्ण शिंदे (हृदयरोगतज्ज्ञ)

फोकस

रविवार सकाळचा दिवस. एका वसाहतीत ४६ वर्षांचा पुरुष मॉर्निंग वॉकसाठी बाहेर पडला होता. शेजाऱ्याला नमस्कार केला, काही पावले चालला आणि अचानक रस्त्यावर कोसळला. छातीत वेदना, मदतीसाठी हाक असं काहीच नाही. लोक गोंधळून गेले. कुणी ‘पाणी आणा’ ओरडलं, कुणी बसवण्याचा प्रयत्न केला; पण एका तरुण शाळाशिक्षिकेला सीपीआर जनजागृती सत्राची आठवण झाली. तिने पाहिलं, की तो माणूस शुद्धीवर नव्हता, नीट श्वास घेत नव्हता. कसलाही विलंब न करता, कोणतीही उपकरणं न मागता, तिनं त्याच्या छातीच्या मध्यभागी हात ठेवले आणि जोरात, लयीत दाबायला सुरुवात केली.