Hunger Headache : भूक लागल्यावर का होते डोकेदुखी? जाणून घ्या थांबवण्यासाठीचे उपाय

Hunger Headache : डोकेदुखीचा त्रास ही सामान्य समस्या आहे. डोकेदुखीची अनेक कारणं असू शकतात. काही लोकांना भूक लागल्यानंतर डोकेदुखीचा त्रास जाणवतो. ही समस्या अनेक कारणांमुळे उद्भवू शकते. जर तुम्ही जेवणाच्या वेळेत लांब इंटरवल ठेवत असाल तरीसुद्धा तुम्हाला डोकेदुखीची समस्या होऊ शकते. चला तर भूक लागल्यावर डोकं का दुखतं ते जाणून घेऊया. तसेच डोकेदुखी थांबवण्याचे काही उपायही जाणुन घेऊयात.

भूक लागल्यावर काय होतं?

भूक लागल्यावर पोट फुगणे, थकवा जाणवणे, थरकाप सुटणे, पोट दुखणे यांसारखी लक्षणं दिसून येतात.

भूक लागल्यावर डोकं का दुखतं?

भूक लागल्यावर आणि डिहाड्रेशनमुळे ग्लूकोजची लेव्हल कमी होऊ शकते. जेव्हा मेंदूतील ग्लूकोजची लेव्हल कमी होते तेव्हा हायपोग्लायसेमिया लेव्हल मिळवण्यासाठी ग्लूकागोन, कार्टिसोल आणि एड्रेनालाइन सारखे काही हार्मोन्स रिलीज होतात.

डोकेदुखीची कारणं

अनेकदा डिहायड्रेशनमुळे डोकेदुखीचा त्रास होतो. जर भूक लागल्यामुळे तुम्हाला डोकेदुखी जाणवत असेल तर थोडे थोडे पाणी प्या. तुम्ही पाण्यात लिंबू आणि साखर मिसळूनही पिऊ शकता.

तुम्ही भूक लागल्यावर लगेच डोकेदुखीचा त्रास होत असल्यास जवळ सफरचंद किंवा संत्री यांसारखी फळं ठेवा. (Health News)

भूक लागल्यावर तुम्ही हाय शुगर किंवा चॉकलेट किंवा ज्यूस पिणे टाळावे. कारण यामुळे शरीरातील ग्लुकोजची लेव्हल अचानक वाढू शकते. ज्यामुळे मधुमेहाचा धोका वाढतो.

भूक लागल्यामुळे होणाऱ्या डोकेदुखीपासून बचाव करण्यासाठी वेळोवेळी हेल्दी डाएट घ्या. तुमचा नाश्ता स्किप करू नका. जेवण करण्यास वेळ मिळाला नाही तर जास्त द्रव पदार्थ पिण्याचा प्रयत्न करा.