Health : कॅल्शियमची कमतरता दूर करायचीये? मग दूधाऐवजी 'हे' घटक वापरा, हेल्दी राहा | Sakal
sakal

बोलून बातमी शोधा

Health news

ज्याच्या सेवनाने तुम्ही दूध न पिता शरीरातील कॅल्शियमची कमतरता पूर्ण करू शकता.

Health : कॅल्शियमची कमतरता दूर करायचीये? मग दूधाऐवजी 'हे' घटक वापरा, हेल्दी राहा

दूध प्यायचं म्हटलं की अनेकजण नाक-तोंड मुरडायला सुरु करतात. विशेषत: लहान मुले यात अधिकची मातब्बर दिसत असतात. लहानांपासून ते वडिलधाऱ्यांपर्यंत बरीच मंडळी अनेकवेळा दूध पिताना नकार देताना दिसतात. मात्र आपल्या आरोग्यासाठी दूध महत्त्वाचे आहे, हे सर्वांना माहिती आहेच. जर आपण दूध पिले नाही तर त्यातून मिळणारे कॅल्शियम कसे भरून निघणार? असे अनेक प्रश्न तुमच्याही मनात येत असतील. मात्र आता काळजी करण्याची गरज नाही. कारण आम्ही तुमच्यासाठी अशाच काही गोष्टींची यादी तयार केली आहे. ज्याच्या सेवनाने तुम्ही दूध न पिता शरीरातील कॅल्शियमची कमतरता पूर्ण करू शकता. चला तर मग सुरुवात करूया.

डाळिंबाचा रस

डाळिंबाचा रस प्यायल्याने तुमच्या शरीरातील कॅल्शियमची कमतरता दूर होणार नाही. मात्र यातून तुम्हाला प्रथिने, कॅल्शियम, थायामिन, रिबोफ्लेविन, फायबर, नियासिन आणि कार्बोहायड्रेट्स असे काही महत्वाचे घटक मिळतील. सोबतच तुम्ही इतर फळे किंवा भाज्यांच्या ज्यूसचाही आहारात समावेश करू शकता.

हेही वाचा: Diabetes : टाइप 2 मधुमेहासाठी कारणीभूत घटक? कोणते उपाय कराल, जाणून घ्या

बीन्स

बीन्स कॅल्शियमची कमतरता दूर करण्यासाठी उपयुक्त आहेत. पण सोबतच जीवनसत्त्वे, फायबर, पोटॅशियम, लोह आणि प्रथिने यांसारखे घटकही यात आढळतात. जे तुमच्या शरीरासाठी खूप फायदेशीर मानले जातात. त्यामुळे उच्च रक्तदाबाच्या समस्येपासूनही सुटका मिळते.

पांढरे तीळ

दूध न पिता कॅल्शियमच्या कमतरतेवर मात करण्याचा हा एक मार्ग आहे. रोज 2-3 पांढर्‍या तिळाचे लाडू खावेत. जे खायला चविष्ट असतात आणि तुमच्या आरोग्यासाठीही फायदेशीर असतात.

हेही वाचा: कमी पाणी पित असाल तर सावधान! आजारांना निमंत्रण देताय...

नारळ (खोबरे)

तुम्ही अनेकदा पाहिलं असेल की जेव्हाही घरी लाडू किंवा खीर बनवली जाते तेव्हा त्यात हमखास नारळाचा म्हणजेच खोबऱ्याचा वापर केला जातो. पण यातून तुम्हाला कोणता घटक मिळतो, याचा कधी विचार केला आहे का? नारळ किंवा खोबऱ्यातून अधिक प्रमाणात कॅल्शियम मिळते.

Web Title: Increase Calcium Without Milk Eat This Thing Overcome Deficiency

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..