डॉ. मृदुल देशपांडे - MBBS, फंक्शनल मेडिसिन नूट्रिशनिस्ट
इन्शुलिन रेझिस्टन्स हा शरीरातील एक महत्त्वाचा आरोग्यविषयक विकार आहे- जो मेटाबॉलिक सिंड्रोम (लठ्ठपणा, टाईप २ मधुमेह, उच्चरक्तदाब, हाय कोलेस्टेरॉ) आणि जीवनशैलीशी संबंधित अनेक आजारांचे मूळ कारण ठरतो. इन्शुलिन हा स्वादुपिंडामधून स्रवणारा हार्मोन आहे जो रक्तातील साखरेचे प्रमाण नियंत्रित करण्यासाठी महत्त्वाची भूमिका बजावतो. इन्शुलिन हा एक ‘स्टोरेज’ हार्मोन आहे. आपण अन्नग्रहण करतो, तेव्हा शरीरात कार्बोहायड्रेट्सचे ग्लुकोजमध्ये रूपांतर होते, इन्शुलिन हा ग्लुकोज पेशींमध्ये पोहोचवण्याचे काम करतो- जेणेकरून ऊर्जा निर्माण होऊ शकेल.
