How Urinary Tract Infection Causes Kidney Failure: किडनी शरीरातील रक्त शुद्ध करण्याचं, पाण्याचं आणि इलेक्ट्रोलाइटचं संतुलन राखण्याचं काम करते. ती नीट काम करत आहे की नाही, हे जाणून घेणं खूप महत्त्वाचं आहे, कारण जर किडनीने काम करणं थांबवलं तर शरीरात विषारी घटक म्हणजेच टॉक्सिन्स जमा होऊ लागतात, जे हृदय, मेंदू आणि इतर अवयवांवर वाईट परिणाम करू शकतात.
आपल्या शरीरातील घाण आणि अपायकारक घटक बाहेर टाकण्याचं मुख्य काम किडनी करत असल्यामुळे तिच्या आरोग्याकडे दुर्लक्ष करणं धोकादायक ठरू शकतं. मूत्र मार्गातील संसर्ग म्हणजेच युरिन इन्फेक्शन ही अशी एक सामान्य वाटणारी समस्या आहे, ज्याची काही लक्षणं सुरुवातीला किरकोळ वाटू शकतात, पण याकडे वेळेत लक्ष न दिल्यास हा संसर्ग हळूहळू किडनीपर्यंत पोहोचतो आणि तिचं नुकसान करू शकतो.
युरिनरी ट्रॅक्ट इन्फेक्शन (UTI) ही किडनीसंबंधी आढळणारी एक सामान्य समस्या आहे. याची लक्षणं लघवीमध्ये दिसू शकतात. ही लक्षणं वेळीच ओळखून योग्य ते उपचार घेतले नाहीत, तर किडनीचे सूक्ष्म फिल्टर खराब होऊ शकतात. असं एशियन हॉस्पिटलच्या युरोलॉजी, किडनी आणि रोबोटिक सर्जरी विभागाचे संचालक डॉ. राजीव कुमार सेठिया यांचं म्हणणं आहे.
युरिनरी ट्रॅक्ट इन्फेक्शन बहुतेकदा बॅक्टेरियामुळे होतो. विशेषतः महिलांमध्ये ही समस्या अधिक प्रमाणात दिसून येते. मात्र पुरुष, लहान मुले, वृद्ध; कोणालाही हा आजार होण्याची शक्यता असते. हा संसर्ग जर मूत्राशयापासून (Bladder) वर जाऊन किडनीत पोहोचला, तर पायलोनेफ्राइटिस (Pyelonephritis) नावाचा गंभीर आजार होतो आणि त्यामुळे किडनी फेल होण्याची शक्यता वाढते.
वारंवार लघवी होणे
लघवी करताना जळजळ किंवा वेदना
लघवीमध्ये दुर्गंधी किंवा रक्त येणे
खालच्या पोटात किंवा पाठीमध्ये वेदना
ताप येणे किंवा अंग थंडीने कुडकुडणे
ही लक्षणं ओळखून सुरुवातीलाच उपचार करणे गरजेचे आहे. जर संसर्ग वेळेत थांबवला नाही, तर तो किडनीला कायमस्वरूपी नुकसान पोहोचवू शकतो आणि सेप्सिस सारखी जीवघेणी परिस्थिती निर्माण करू शकतो.
रोज 8-10 ग्लास पाणी प्या
लघवी रोखण्याची सवय टाळा
स्वच्छतेची काळजी घ्या, विशेषतः जननेंद्रियांची
असुरक्षित लैंगिक संबंध टाळा
लक्षणं दिसल्यास लवकरात लवकर डॉक्टरांचा सल्ला घ्या
6डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.