आता सर्वांना माहित आहे की, कोरोना विषाणूचा प्रसार कसा होतो. पण हा संसर्ग आईकडून बाळाला होऊ शकतो का? या प्रश्नाचे उत्तर एका अभ्यासाद्वारे देण्यात आले आहे, ज्यामध्ये असे म्हटले आहे की, ''कोरोना विषाणूचा संसर्ग आईकडून बाळाला होतो, परंतु हे प्रमाण अत्यंत दुर्मिळ आहे.''
कोरोना विषाणूमुळे होणाऱ्या आजारावर करण्यात आलेल्या एका अभ्यासात असे दिसून आले आहे की,''प्रसूतीपूर्वी किंवा नंतर बाळाला आईपासून बाळामध्ये संक्रमित होऊ शकतो, परंतु हे फार दुर्मिळ आहे.''
मेडीकल BMJ मध्ये प्रकाशित झालेल्या एका अभ्यासात ही बाब समोर आली आहे. संशोधकांना आढळून आले की,''कोरोना विषाणूची लागण झालेल्या मातांच्या पोटी जन्मलेल्या दोन टक्क्यांहून कमी बाळांना या विषाणूची लागण झाली आहे पण, बाळाला संसर्ग होण्याची शक्यता तेव्हा जास्त असते जेव्हा महिलांना कोरोना विषाणूचा गंभीर संसर्ग होतो किंवा प्रसूतीनंतर संसर्ग होतो.
संशोधकांनी जगभरातून माहिती गोळा केली आहे आणि कोरोना विषाणूची लागण झालेल्या मातांच्या पोटी जन्मलेल्या 14,000 हून अधिक बाळांचे निरीक्षण केले आहे. ''अभ्यासात समाविष्ट असलेल्या 14,271 मुलांपैकी केवळ 1.8 टक्के मुलांना SARS-Cove-2 ची लागण झाल्याचे आढळून आले'', असे संशोधकांनी म्हटले आहे
यूकेमधील बर्मिंगहॅम विद्यापीठातील संशोधकांच्या नेतृत्वाखालील एका टीमला असे आढळून आले आहे की, जर आईला कोरोना विषाणूची लागण झाली असेल तर सामान्य प्रकियेतून जन्मलेल्या आणि स्तनपानामुळे बाळाला कोरोना विषाणूची लागण होण्याचा धोका नाही. सामान्य प्रसूती, त्वचेला त्वचेचा संपर्क आणि स्तनपानाद्वारे व्हायरल इन्फेक्शनचा धोका कमी आहे यासाठी महिलांना आश्वस्त केले पाहिजे. तथापि, गंभीरपणे संक्रमित महिलांच्या जन्मलेल्या बाळांना देखील संसर्ग होण्याची शक्यता जास्त असते, म्हणून जन्मानंतर बाळांची चाचणी आणि निरीक्षण करणे आवश्यक आहे.
गरोदर महिलांमध्ये संसर्ग आणि गंभीर आजार टाळण्यासाठी गर्भधारणेदरम्यान लसीकरणाला आणखी प्रोत्साहन दिले पाहिजे, असे संशोधकांनी सांगितले.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.