Liver Detox Drink : यकृताच्या निरोगी आरोग्यासाठी 4 हेल्दी ड्रिंक्स, अनेक आजारांचा धोका होईल कमी

Liver Detox Drink : यकृत हा शरीराचा महत्त्वाचा भाग आहे. शरीर निरोगी ठेवण्यासोबतच आजारांपासूनही बचाव करण्यास यकृत महत्वाची भूमिका बजावते. यकृत पाचन तंत्र मजबूत करते, रक्त शुद्ध करते, चयापचय गतिशील करते आणि शरीरातील विषारी पदार्थ शरीराबाहेर काढून टाकते. यकृतामध्ये घाण साचल्यामुळे शरीरात अनेक प्रकारचे आजार होऊ शकतात. जसे की मधुमेह, लिव्हर सिरोसिस, रक्तदाब आणि लठ्ठपणा. तेव्हा यकृत निरोगी ठेवण्यासाठी आरोग्यदायी ड्रिंक्स कुठले ते जाणून घेऊया.

यकृत निरोगी ठेवण्यासाठी बाहेरचे खाणे टाळा. तसेच तळलेले अन्न आणि प्रक्रिया केलेले अन्न खाऊ नका. अशा पदार्थांमुळे यकृताला थेट हानी पोहोचते. यकृत निरोगी ठेवण्यासाठी आरोग्यदायी जेवणाबरोबरच हेल्दी ड्रिंक्सचे सेवन करणेही आवश्यक आहे. यकृतामध्ये साचलेली घाण साफ करण्यासोबतच या ड्रिंक्समुळे शरीरही निरोगी राहते. फिट क्लिनिकच्या डायटीशियन सुमन यांनी या ४ हेल्दी ड्रिक्सबाबत सांगितले आहे.

लिंबू पाणी

लिंबू शरीरासाठी फार फायदेशीर आहे. हे प्यायल्याने शरीरातील टॉक्झिक पदार्थ शरीराबाहेर पडण्याबरोबच तुमची पचनशक्तीही सुधारते. १ ग्लास कोमट पाण्यात १ लिंबू पिळून तुम्ही हे ड्रिंक पिऊ शकता. हे ड्रिुंक पिल्याने अपचन, गॅसची समस्या दूर होते. कोमट पाण्याच लिंबू पिळून पिल्याने वजन कमी होण्यासही मदत मिळते. (Health)

ग्रीन टी

ग्रीन टी शरीरासाठी फार फायदेशीर असते. ग्रीन टी पिल्याने शरीरातील टॉक्झिक पदार्थ बाहेर पडण्याबरोबरच वजनही कमी होते. हा चहा ऑक्सीडेटिव्ह ताण कमी करतो. हा चहा पिल्याने फॅटी लिव्हरची समस्या दूर होते. मात्र दिवसभरात १ कपपेक्षा जास्त ग्रीन टी पिऊ नये.

कॅमोमाइल टी

कॅमोमाइल टी शरीराला आराम देण्यासोबतच या टीमुळे चांगली झोप लागते. या टीमध्ये सेस्क्यूटरपीन लॅक्टोन तत्व असतात, जे यकृताला डिटॉक्स करतात. हा चहा पिल्याने तणावापासूनही मुक्ती मिळते. ही टी शरीरातील सूजन दूर करते आणि यकृताला निरोगी ठेवते. (Liver Health)

यकृताच्या निरोगी आरोग्यासाठी तुम्ही हे ४ ड्रिंक्स पिऊ शकता. मात्र तुम्हाला यकृताची संबंधित कुठलाही आजार किंवा समस्या असेल तर तुम्ही डॉक्टरांच्या सल्ल्यानेच या ड्रिंक्सचे सेवन करावे.